ICC WC 2023 : વર્લ્ડ કપની સૌથી સસ્તી ટિકિટ કેટલાની છે? જાણો કેવી રીતે બુકિંગ કરવુ?
આજથી ક્રિકેટ વર્લ્ડકપની શરૂઆત થઈ ગઈ છે. શરૂઆત પહેલા જ ફેન્સ મેદાનમાં જઈને મેચ જોવા માટે ટિકિટ પાછળ પડ્યા છે. આજે અમે તમને વર્લ્ડ કપની સૌથી સસ્તી ટિકિટ ક્યાંથી અને કેવી રીતે બુક કરવી તેની વિગત જણાવવા જઈ રહ્યા છીએ.
ભારતમાં યોજાનારા વર્લ્ડ કપમાં ભારતની મેચો માટે ટિકિટની જોરદાર માંગ છે. તેમાં પણ ભારત-પાકિસ્તાન મેચની ટિકિટની ભાવ આસમાને છે. અન્ય દેશો વચ્ચેની મેચો માટે ટિકિટના દર ઓછા છે અને તમે તેને ઑનલાઇન પ્લેટફોર્મ પર જઈને સરળતાથી ખરીદી શકો છો.
તમને જણાવી દઈએ કે, સૌથી ઓછી કિંમતની ટિકિટની કિંમત 499 રૂપિયા છે, જે વધુમાં વધુ 40 હજાર રૂપિયામાં વેચાય છે. અન્ય દેશોમાં મેચ માટે સૌથી વધુ ટિકિટનો દર લગભગ 29 હજાર રૂપિયા છે. આ આંકડા તમને ઓફિશિયલ ટિકિટ બુકિંગ પ્લેટફોર્મ અનુસાર જણાવવામાં આવી રહ્યા છે.
ભારત-પાકિસ્તાન અને ફાઈનલ મેચની ટિકિટો પહેલા જ વેચાઈ ગઈ છે અને ઓનલાઈન પ્લેટફોર્મ પરથી ખરીદવી મુશ્કેલ છે. બુક માય શો પર ટિકિટ ઉપલબ્ધ નથી. ભારત અને પાકિસ્તાન વચ્ચેની મેચ માટે ટિકિટની સત્તાવાર કિંમત 2000 રૂપિયા છે, જે વેબસાઇટ પર દેખાય છે, પરંતુ ટિકિટ ખરીદવાનો વિકલ્પ ઉપલબ્ધ નથી.
આવી સ્થિતિમાં સેકન્ડરી માર્કેટમાં ટિકિટો વેચાઈ રહી છે, આશ્ચર્યની વાત તો એ છે કે આ ટિકિટો સત્તાવાર દર કરતાં વધુ ભાવે વેચાઈ રહી છે. અહેવાલો અનુસાર, કેટલીક જગ્યાઓ પર 50 લાખ રૂપિયાથી વધુના દરે ટિકિટ વેચાઈ રહી છે. આમાં કેટલીક ટિકિટ 10 લાખ રૂપિયામાં તો કેટલીક 19 લાખ રૂપિયામાં વેચાઈ રહી છે.
Click it and Unblock the Notifications
Sign in with Google
