IND vs AUS : ભારતીય બોલરો સામે ઓસ્ટ્રેલિયા ઢેર, ભારતની સતત બીજી જીત
ઓસ્ટ્રેલિયા સામેની ટી20 સિરીઝના બીજા મુકાબલામાં ભારતીય ટીમે ઓસ્ટ્રેલિયાને હરાવીને સતત બીજી જીત મેળવી છે. પહેલી ઈંનિંગમાં ભારતીય ટીમે શાનદાર બેટિંગ કરતા 236 રનો મોટો ટાર્ગેટ આપ્યો હતો.
ટોસ હારીને બેટિંગ માટે આવેલા ભારત માટે યશસ્વી જયસ્વાલ અને ઋતુરાજ ગાયકવાડે શાનદાર શરૂઆત અપાવી. બન્ને ઓપનરોએ ધમાકેદાર બેટિંગ કરતા અડધી સદી ફટકારી.
શરૂઆતમાં યશસ્વી જયસ્વાલે છક્કા ચોક્કાનો વરસાદ કર્યો અને માત્ર 25 બોલમાં 53 રન બનાવીને પેલેવિયન પરત ફર્યો. તેણે પોતાની ઈનિંગમાં 9 ચોક્કા અને 2 છક્કા ફટકાર્યા. આ પછી ઈશાન કિશને મેદાનમાં દર્શકોનું જબરદસ્ત પ્રદર્શન કર્યુ.
ઈશાન કિશને બીજી વિકેટ માટે ઋતુરાજ સાથે શાનદાર પાર્ટનરશિપ કરીને પોતાની અડધી સદી પુરી કરી. ઈશાન કિશને 32 બોલમાં 52 બનની ઝડપી ઈનિંગ રમી. સામે છેડે ઋતુરાજ ગાયકવાડે 43 બોલમાં 58 રન સાથે અડધી સદી ફટકારી.
આ પછી અંતિમ ઓવરોમાં બાકી રહેલુ કામ ભારતના સ્ટાર ફિનિસર રિંકુ સિંહે પુરૂ કર્યુ. રિંકુ સિંહે 9 બોલમાં 31 રનની ધમાકેદાર ઈનિંગ રમી. આ ઇનિંગમાં રિંકુએ 4 ફોર અને 2 સિક્સર ફટકારી. આમ ભારતે ઓસ્ટ્રેલિયાનેે જીતવા માટે 236 રનનો તગડો ટાર્ગેટ આપ્યો.
બીજી તરફ ઓસ્ટ્રેલિયન બોલરો ફિક્કા સાબિત થયા. જો કે નાથન એલિસે 3 અને માર્કસ સ્ટોઈનિસે 1 વિકેટ લીધી.
બીજી ઈનિંગમાં બેટિંગ માટે ઉતરેલી ઓસ્ટ્રેલિયાની એક પછી એક વિકેટ પડતી રહી અને કોઈપણ બેટ્સમેન મોટી ઈનિંગ ન રમી શક્યો. જો કે માર્કસ સ્ટોઈનિસ અને ટીમ ડેવિડે એક સમયે બાજી સંભાળી પરંતુ બન્ને ઈનિંગને મોટી કરવામાં નિષ્ફળ રહ્યા. બન્નેએ 5મીં વિકેટ માટે 91 રનની પાર્ટનરશિપ કરી.
ભારતીય બોલરોએ શાનદાર પ્રદર્શન કર્યુ અને ઓસ્ટ્રેલિયાને 20 ઓવરમાં 9 વિકેટ લઈને 191 રન પર રોકીને 44 રને મેચ જીતી લીધી.
Click it and Unblock the Notifications
Sign in with Google
