IND vs NZ : ભારત માટે માઠા સમાચાર, શુભમન ગિલ રિટાયર્ડ હિટ થઈને પેવેલિયન પરત ફર્યો
મુંબઈના વાનખેડે સ્ટેડિયમમાં રમાઈ રહેલા ભારત અને ન્યૂૂઝીલેન્ડ વચ્ચેના ધમાકેદાર મેચમાં ભારતે પહેલી બેટિંગ કરતા શાનદાર શરૂઆત કરી છે. જો કે અહીં ભારતીય ફેન્સ માટે એક માઠા સમાચાર સામે આવ્યા છે.
સમાચાર લખાય છે ત્યાં સુધીમાં ભારતે શાનદાર શરૂઆત કરતા એક વિકેટના નુકસાને 26 ઓવરમાં 181 રન બનાવ્યા છે. હાલ વિરાટ કોહલી અને શ્રેયસ ઐય્યર ક્રિઝ પર છે.
ભારત આ મેચમાં શાનદાર સ્થિતીમાં છે પરંતુ માઠા સમાચાર એ છે કે શુભમન ગિલ રિટાયર્ડ હર્ટ થઈને પેવેલિયન પરત ફર્યો છે. રોહિત સાથે મળીને શાનદાર શરૂઆત અને અડધી સદી ફટકાર્યા બાદ શુભમન ગિલ ઈજાના કારણે પેવેલિયન પરત ફર્યો છે.
જણાવી દઈએ કે, વધુ એક વખત શુભમન ગિલ અને રોહિત શર્માએ ભારતને શાનદાર શરૂઆત અપાવી. આ ઓપનિંગ જોડીએ પહેલી વિકેટ માટે 71 રનની પાર્ટનરશિપ કરી. જો કે અહીં રોહિત શર્મા ફરીથી પોતાની ઇનિંગને અડધી સદીમાં પરિવર્તિત કરે તે પહેલા જ આઉટ થઈને પેવેલિયન પરત ફર્યો. રોહિત શર્માએ શાનદાર 47 રનની ઇનિંગ રમી.
Click it and Unblock the Notifications
Sign in with Google
