IND vs SA : કેએલ રાહુલે સાઉથ આફ્રિકાની ધરતી પર મોટો ઇતિહાસ રચ્યો, આવુ કરીને કોહલીની બરાબરી કરી

ભારત અને દક્ષિણ આફ્રિકા વચ્ચે રમાયેલી વન ડે સિરીઝના છેલ્લા મુકાબલામાં ભારતે 2-1 થી સિરીઝ પર કબ્જો કર્યો છે. આ જીત સાથે કેએલ રાહુલે ઇતિહાસ રચ્યો છે.

કેએલ રાહુલ દક્ષિણ આફ્રિકા સિરીઝ જીત સાથે જ એક વિશિષ્ટ ક્લબમાં સામેલ થયો છે. ટીમ ઈન્ડિયાએ આફ્રિકાની ધરતી પર બીજી વખત વનડે શ્રેણી જીતી છે.

વિરાટ કોહલીના નેતૃત્વમાં ટીમ ઈન્ડિયાએ દક્ષિણ આફ્રિકામાં વનડે શ્રેણી દીતી હતી. હવે કેએલ રાહુલ આ મહત્વની ક્લબમાં જોડાઈ ગયો છે. કોહલી અને રાહુલ એકમાત્ર એવા બે ભારતીય કપ્તાન છે જેમણે દક્ષિણ આફ્રિકામાં તેમની કપ્તાનીમાં વનડે શ્રેણી જીતી છે.

છેલ્લા 21 વર્ષમાં આ બીજી વખત છે જ્યારે ટીમ ઈન્ડિયાએ દક્ષિણ આફ્રિકામાં દ્વિપક્ષીય શ્રેણી જીતી હોય. અઝહરુદ્દીને આફ્રિકામાં પ્રથમ વખત ભારતનું નેતૃત્વ કર્યું હતું પરંતુ ટીમ ઈન્ડિયાને હારનો સામનો કરવો પડ્યો હતો. આ પછી ઘણા કેપ્ટન આવ્યા પરંતુ સિરીઝ જીતવામા અસફળ રહ્યાં.

2017-18માં વિરાટ કોહલીની કપ્તાનીમાં ટીમ ઈન્ડિયા આફ્રિકા ગઈ હતી અને વનડે શ્રેણી જીતી હતી. ભારતીય ટીમે દક્ષિણ આફ્રિકાને ખરાબ રીતે હરાવીને 5-1થી સિરીઝ જીતી હતી. ધોની પણ બે વખત ટીમનું નેતૃત્વ કરી ચૂક્યો છે, પરંતુ તે પણ સફળ થઈ શક્યો નહીં.

2022માં કેએલ રાહુલની કપ્તાનીમાં ટીમ ઈન્ડિયાએ દક્ષિણ આફ્રિકાનો પ્રવાસ કર્યો હતો પરંતુ ત્યાં પણ હારનો સામનો કરવો પડ્યો હતો. આ વખતે ફરીથી કેએલ રાહુલને સુકાની બનવાની તક મળી અને ટીમે શાનદાર પ્રદર્શન કર્યું અને યજમાન ટીમને હરાવીને ઈતિહાસ રચ્યો અને શ્રેણી 2-1થી સિરીઝ જીતી લીધી.

યુવા ટીમે આફ્રિકાને ઘ આંગણે ખરાબ રીતે હરાવ્યું છે. આ પહેલા સૂર્યકુમાર યાદવની કેપ્ટન્સીમાં T20 સિરીઝ ટાઈ થઈ હતી.

English summary

IND vs SA: KL Rahul creates big history in South Africa, equals Kohli