IND vs SA : 10 ડિસેમ્બરથી દક્ષિણ આફ્રિકા સામે T20 સિરીઝ, જાણો કોનું પલ્લુ ભારે?
ભારત અને દક્ષિણ આફ્રિકા વચ્ચે 10 ડિસેમ્બરથી ટી-20 સિરીઝ રમાવા જઈ રહી છે. બન્ને ટીમો 10 ડિસેમ્બરે ડરબનમાં મેદાન પર ટકરાશે.
ભારતીય ક્રિકેટ કંટ્રોલ બોર્ડે આ પ્રવાસ માટે ટીમની જાહેરાત કરી છે અને સૂર્યકુમાર યાદવને T-20 સિરીઝ માટે ટીમ ઈન્ડિયાની કપ્તાની સોંપવામાં આવી છે. સૂર્યકુમાર હાલ ઓસ્ટ્રેલિયા સામેની ટી-20 સિરીઝમાં કેપ્ટન છે.
ભારતે આ શ્રેણી જીતી લીધી છે અને હવે છેલ્લી મેચ રમવાની બાકી છે. દક્ષિણ આફ્રિકા સામે ભારતનો અત્યારસુધીનો રેકોર્ડ એકંદરે સારો રહ્યો છે.
T20 ફોર્મેટમાં દક્ષિણ આફ્રિકા પર ભારતનો દબદબો જોવા મળ્યો છે. ટીમ ઈન્ડિયાએ દક્ષિણ આફ્રિકા સામે અત્યાર સુધીમાં કુલ 24 મેચ રમી છે. આ દરમિયાન ટીમ ઈન્ડિયાએ 13 મેચ જીતી છે અને 10 મેચમાં હારનો સામનો કરવો પડ્યો છે.
બંને ટીમો વચ્ચે છેલ્લી T20 મેચ ઓક્ટોબર 2022માં રમાઈ હતી, જેમાં ભારતને 5 વિકેટે હારનો સામનો કરવો પડ્યો હતો.
સાઉથ આફ્રિકા સામે સૌથી વધુ T20 રન બનાવવામાં રોહિત શર્મા ટોપ પર છે. જો કે રોહિત આ વખતે સિરીઝનો ભાગ નથી. વિરાટ કોહલી અને રોહિત શર્માને બ્રેક આપવામાં આવ્યો છે. રોહિત અને વિરાટ દક્ષિણ આફ્રિકા સામેની વનડે અને ટી-20 સિરીઝમાં નહીં રમે.
રોહિત શર્માએ દક્ષિણ આફ્રિકા સામે 17 ટી20 મેચમાં 420 રન બનાવ્યા છે. આ દરમિયાન તેણે એક સદી અને 2 અડધી સદી ફટકારી છે.
જણાવી દઈએ કે, સાઉથ આફ્રિકા સામે સૌથી વધુ T20 વિકેટ લેનારા ભારતીય બોલરોની યાદીમાં ભુવનેશ્વર કુમાર ટોપ પર છે. ભુવનેશ્વરે 12 મેચમાં 14 વિકેટ લીધી છે. બીજા નંબર પર રવિચંદ્રન અશ્વિન છે. અશ્વિને 10 મેચમાં 11 વિકેટ લીધી છે.
Click it and Unblock the Notifications
Sign in with Google
