ભારતને વધુ એક ઝટકો, બોક્સિંગ સંઘ પણ સસ્પેન્ડ

નવી દિલ્હી, 7 ડિસેમ્બર: ભારતીય ખેલાડીયોને વધુ એક ઝટકો લાગ્યો છે. ઓલિમ્પિક્સ એસોસિએશન બાદ બોક્સિંગની આંતરરાષ્ટ્રીય સંસ્થા આઇએબીએ દ્વારા ભારતીય મુક્કેબાજી સંઘને સસ્પેન્ડ કરી દેવાયું છે. બોક્સિંગની આંતરરાષ્ટ્રીય સંસ્થા આઇએબીએને શંકા છે કે સંઘની ચૂંટણીમાં ગોલમાલ કરવામાં આવી છે. આના બે દિવસ પહેલા આઇઓસીએ ભારતીય ઓલિમ્પિક્સ સંઘને સસ્પેન્ડ કરી દીધું હતું.

ભારતીય મુક્કેબાજી સંઘની ચૂંટણી આ વર્ષે સપ્ટેમ્બરમાં થયા હતા. સસ્પેન્શનનો નિર્ણય આંતરરાષ્ટ્રીય સંસ્થાએ સ્વિટ્ઝર્લેન્ડમાં ગુરૂવારે યોજાયેલી એક બેઠકમાં લીધો હતો. ભારતીય ઓલિમ્પિક સંઘ પર પ્રતિબંધ લદાયા બાદ હવે એઆઇબીએ એટલે કે ઇન્ટરનેશનલ એમેચ્યોર બોક્સિંગ એસોસિએશને અસ્થાઇ રીતે ઇન્ડિયન એમેચોર બોક્સિંગ ફેડરેશન પર પ્રતિબંધ લાદી દીધો છે. અભિષેક માતારિયા ઇન્ડિયન એમેચોર બોક્સિંગ ફેડરેશનના અધ્યક્ષ છે અને તેઓ રાજસ્થાનથી વિધાયક છે. આ પહેલા તેના અધ્યક્ષ અભય ચૌટાલા હતા.

બોક્સર અખિલે આ સમાચાર પર પોતાની પ્રતિક્રિયા આપતા જણાવ્યું કે આપણે ભવિષ્યમાં શું કરવું જોઇએ એ વિચારવું પડશે. ભૂલો પર ધ્યાન આપીને તેને સુધારી લેનાવી જરૂર છે. બોક્સર વિજેન્દરસિંહે જણાવ્યું કે આ નિરાશાજનક છે, રમત માટે આ ખરાબ સમાચાર છે. આના કારણે ખેલાડીઓનું મનોબળ અને ઉત્સાહ ઓછો થાય છે.

English summary

In a massive jolt to boxing in India, the International Boxing Association has suspended the IABF alleging "possible manipulation" in its recent elections but the body has denied the charge, insisting that the process was "transparent".