IPL 2024 Auction : આટલા વાગે શરૂ થશે આઈપીએલ ઓક્શન, અહીં જુઓ ફ્રીમાં

IPL 2024 માટે મીની ઓક્શન યોજાવા જઈ રહ્યું છે. 19 ડિસેમ્બરે દુબઈમાં યોજાવા જઈ રહેલા આ ઓક્શનમાં ઘણા ખેલાડીઓ પર ફેન્સની નજર છે.

ફેન્સ આઈપીએલ 2024 મીની ઓક્શનની આતુરતાથી રાહ જોઈ રહ્યા છે. આ ઓક્શનનું આયોજન દુબઈમાં 19 ડિસેમ્બરે બપોરે 1:00 વાગ્યાથી કરવામાં આવશે.

આઈપીએલ 2024 માટે તમામ 10 ટીમોના કુલ 77 ખેલાડીઓ બાકી છે. તમામ ફ્રેન્ચાઈઝી આ જગ્યાઓ ભરવાનો પ્રયાસ કરશે.

આ ઓક્શનમાં કુલ 23 ખેલાડીઓ છે જેમની બેઝ પ્રાઈસ 2 કરોડ રૂપિયા છે. 13 ખેલાડીઓની બેઝ પ્રાઈઝ 1.5 કરોડ રૂપિયા છે. ઘણી ટીમોની નજર આ તમામ ખેલાડીઓ પર હશે.

આ ખેલાડીઓ પર શરૂઆતમાં જ બોલી લગાવવામાં આવશે. આ ઓક્શનમાં 333 ખેલાડીઓની બોલી લગાવવામાં આવનાર છે. પરંતુ તેમાંથી માત્ર 77 ખેલાડીઓને જ ટીમો દ્વારા ખરીદવામાં આવશે.

2 કરોડ અને 1.5 કરોડ પછી હવે 1 કરોડ, 50 લાખ, 75 લાખ, 40 લાખ, 30 લાખ અને 20 લાખ રૂપિયાવાળા ખેલાડીઓ પણ આ ઓક્શનમાં ભાગ લઈ રહ્યા છે. ફ્રેન્ચાઇઝી આ તમામ ખેલાડીઓ પર નજર રાખશે. દરેક ફ્રેન્ચાઇઝી એક આયોજન મુજબ આ ઓક્શનમાં ભાગ લેવા જઇ રહી છે.

ઓક્શન ભારતીય સમય અનુસાર બપોરે 1:00 વાગ્યે શરૂ થશે. આ મિની ઓક્શન ભારતમાં સ્ટાર સ્પોર્ટ્સ નેટવર્ક ચેનલ પર જોઈ શકાશે. મોબાઈલ યુઝર્સ Jio Cinema એપ પર આ ઓક્શનની મજા માણી શકે છે.

IPL 2024 મીની ઓક્શનનું લાઈવ સ્ટ્રીમિંગ Jio એપ પર ફ્રીમાં કરવામાં આવશે. આ સ્થિતિમાં યુઝર્સ પોતાના મોબાઈલમાં Jio એપ ડાઉનલોડ કરીને ઓક્શન જોઈ શકે છે.

English summary

IPL 2024 Auction: IPL Auction will start at this time, watch here for free