IPL-6 : પોલાર્ડની સુનામીમાં ધોવાયું સનરાઇઝ હૈદરાબાદ

Updated: Tuesday, May 14, 2013, 12:35 [IST]

મુંબઇ, 14 મે : કીરોન પોલાર્ડની અણનમ 66 રનોની તોફાની પારીના જોરે મુંબઇ ઇન્ડિયન્સે વાનખેડે સ્ટેડિયમમાં રમાયેલ આઇપીએલની 62મી મેચમાં સનરાઇઝર્સ હૈદરાબાદને સાત વિકેટથી હરાવી દીધું. આ જીતે મુંબઇને 20 પોઇન્ટની સાથે નવ ટીમોના લીસ્ટમાં પ્રથમ ક્રમે લાવી દીધું છે.

પોલાર્ડની સુનામીમાં ધોવાયું હૈદરાબાદ

સનરાઇઝર્સે શિખર ધવન 59 રનોના નેતૃત્વમાં પોતાના બેટ્સમેનાના સારા પ્રદર્શનના કારણે મુંબઇની ટીમની સામે જીતવા માટે 179 રનોનું લક્ષ્ય આપ્યું હતું, જે મુંબઇની ટીમ માટે મુશ્કેલી પેદા કરી શકી નહી અને યજમાન ટીમે ત્રણ વિકેટ ગુમાવીને 19.3 ઓવરોમાં પોતાની જીત નોંધાવી દીધી.

આ જીત પોલાર્ડની તોફાની પારીના કારણે મુશ્કેલીમાંથી સરળ બની ગઇ. એક સમયે 24 બોલોમાં જીતવા માટે 62 રનોની જરૂરત હતી. પોલાર્ડે ડેલ સ્ટેન દ્વારા ફેંકવામાં આવેલ 16મી ઓવરમાં સંઘર્ષ કર્યા બાદ આવનાર બે ઓવરોમાં કપ્તાન રોહિત શર્માની અણનમ 20 રન સાથે મળીને 50 રન બનાવ્યા.

મુંબઇ ઇન્ડિયન્સની ટીમે વાનખેડે સ્ટેડિયમમાં સતત સાતમી મેચમાં જીત મેળવી લીધી છે. હવે ટીમની 14 મેચોમાં 20 પોઇન્ટ થઇ ગયા છે અને મુંબઇ ટીમ પોઇન્ટ ટેબલમાં પહેલા નંબર પર છે. સનરાઇઝર્સ હૈદરાબાદની ટીમ પાંચમાં સ્થાન પર છે. ટીમના 14 મેચોમાં 16 પોઇન્ટ છે.