હું મારી કારકિર્દીના સર્વશ્રેષ્ઠ તબક્કામાં છું: રોહિત શર્મા
નવી દિલ્હી, 16 જુલાઇઃ ચેમ્પિયન્સ ટ્રોફી અને વેસ્ટઇન્ડિઝમાં યોજાયેલી ટ્રાઇ સિરિઝમાં અનેક શાનદાર ઇનિંગ રમનાર ટીમ ઇન્ડિયાના ઓપનિંગ બેટ્સમેન રોહિત શર્માનું કહેવું છે કે, તે હાલના સમયે પોતાની આંતરરાષ્ટ્રીય કારકિર્દીના સૌથી સારા તબક્કામાંથી પસાર થઇ રહ્યો છે. એક ઓપનિંગ તરીકે રોહિતનું કહેવું છે કે આ કામ ક્યારેય સહેલું નથી હોતું. તમે નવી બોલનો સામનો કરો છો, તેવામાં આ એક સંયમનું કામ હોય છે, પરંતુ હું ખુશ છું કે મે ટીમની જીત માટે યોગદાન આપ્યું.
પોતાની મજબૂત ટેકનિકના કારણે જાણીતા 26 વર્ષીય રોહિતે છેલ્લી 12 મેચોમાં ઓપનિંગ બેટિંગ કરતા પાંચ અડધી સદી ફટકારી છે અને બે વાર 50 રનની ઇનિંગ કરી છે. એક ઓપનિંગના રૂપમાં પોતાની પહેલી મેચમાં રોહિતમાં મોહાલીમાં ઇંગ્લેન્ડ વિરુદ્ધ 83 રન બનાવી મેચ વિનિંગ ઇનિંગ રમી હતી, શું આ તેની કારકિર્દીની સૌથી શાનદાર ઇનિંગ હતી, જેણે તેની કારકિર્દીને નવો વળાંક આપ્યો? રોહિત કહે છે કે કે હું તેને સર્વશ્રેષ્ઠ ઇનિંગ કહેતો નથી, જ્યારે તમે મુશ્કેલીમાં હોવ તો તેવામાં આ ઇનિંગથી આત્મવિશ્વાસ વધે છે.
આઇપીએલમાં સુકાની તરીકે મુંબઇ ઇન્ડિયન્સને પહેલી જીત અપાવનાર રોહિતે કહ્યું કે, એક એવી ટીમ કે જેમાં રિકી પોન્ટિંગ અને સચિન તેંડુલકર જેવા ખેલાડીઓ હોય, તેમનું નેતૃત્વ કરવું એક મોટી વાત છે કારણ કે સુકાની તરીકે તમારે તમારી ટીમ માટે એક ઉદાહરણ રજુ કરવાનું હોય છે. આવનારા દક્ષિણ આફ્રિકા પ્રવાસ અંગે પૂછવામાં આવતા કે શું તે ટેસ્ટ મેચોમાં ઓપનિંગ કરશે તો રોહિતે કહ્યું કે, દક્ષિણ આફ્રિકા પ્રવાસને હજુ ઘણી વાર છે, તેથી હું એ અંગે કંઇ કહેવા માગતો નથી.
Click it and Unblock the Notifications
Sign in with Google
