Paris Olympic 2024: રેસલર વિનેશ ફોગાટે કરી સેમીફાઈનલમાં ધમાકેદાર એન્ટ્રી
Paris Olympics 2024 Wrestler Vinesh Phogat: વિનેશ ફોગાટે 2024 પેરિસ ઓલિમ્પિકમાં મજબૂત શરૂઆત કરી છે. વિનેશ ફોગાટે ક્વાર્ટર ફાઇનલમાં યુક્રેનની ઓક્સાના લિવાચને હરાવી છે. તેણે મેચ 7-5થી જીતી લીધી હતી.
ઉલ્લેખનીય છે કે, આ પહેલા વિનેશ ફોગાટે 2020 ટોક્યો ઓલિમ્પિક્સની ગોલ્ડ મેડલ વિજેતા અને ચાર વખતની વર્લ્ડ ચેમ્પિયન જાપાનની યુઈ સુસાકીને 3-2થી હરાવ્યો હતો.
વિનેશ ફોગટનો ચાર્મ યથાવત - વિનેશ ફોગાટે પ્રી-ક્વાર્ટર ફાઇનલમાં જાપાનની યુઇ સુસાકીને 3-2ના સ્કોરથી હરાવીને ક્વાર્ટર ફાઇનલમાં પોતાનું સ્થાન નિશ્ચિત કરી લીધું હતું. આ પછી, તેણીએ ક્વાર્ટર ફાઇનલમાં યુક્રેનની ઓક્સાના લિવાચને હરાવી અને સેમીફાઇનલમાં પ્રવેશ કર્યો છે.
હવે તે મેડલ જીતવાથી માત્ર એક જીત દૂર છે. આ સિદ્ધિ એટલા માટે ખાસ છે કારણ કે, સુસાકીએ ટોક્યો ઓલિમ્પિકમાં એક પણ પોઈન્ટ ગુમાવ્યા વિના ગોલ્ડ મેડલ જીત્યો હતો અને તે પાંચ વખતની વર્લ્ડ ચેમ્પિયન પણ છે.
વિનેશ ફોગાટે બતાવી તાકાત - મેચમાં સુસાકીએ શરૂઆતથી જ આક્રમણ કર્યું, જ્યારે વિનેશે ડિફેન્સ પર ધ્યાન આપ્યું હતું. રેફરીએ વિનેશને હુમલો ન કરવાની ચેતવણી આપી અને સુસાકીને પોઈન્ટ આપ્યો હતો.
જે બાદ સુસાકીએ તેના પગ વડે બીજો હુમલો કરવાનો પ્રયાસ કર્યો, પરંતુ વિનેશે તેને સફળતાપૂર્વક ટેકલ કરી હતી. જોકે, તેણીની રક્ષણાત્મક વ્યૂહરચનાથી, સુસાકીએ વધુ એક પોઇન્ટ મેળવ્યો અને બે પોઇન્ટથી આગળ વધી હતી.
છેલ્લી સેકન્ડોમાં જોરદાર પુનરાગમન - મેચમાં માત્ર દસ સેકન્ડ બાકી હતી અને બે પોઈન્ટથી પાછળ રહીને વિનેશે નિર્ણાયક ચાલ બનાવી હતી, જેનો સુસાકી પાસે કોઈ જવાબ ન હતો.
આ વ્યૂહાત્મક હુમલાએ વિનેશની તરફેણમાં પ્રવાહ ફેરવ્યો અને ભારે દબાણમાં પણ પ્રદર્શન કરવાની તેણીની ક્ષમતા દર્શાવી. આ જીત માત્ર વિનેશની કૌશલ્ય જ નહીં, પરંતુ તેની માનસિક શક્તિ અને વ્યૂહાત્મક કુશળતા પણ દર્શાવે છે.
Click it and Unblock the Notifications
Sign in with Google
