Tokyo Paralympics: સુમિત એન્ટિલે વર્લ્ડ રેકોર્ડ સાથે ગોલ્ડ મેડલ પોતાના નામે કર્યો!

પેરાલિમ્પિક ગેમ્સનો છઠ્ઠો દિવસ ભારતીય ખેલાડીઓના નામે રહ્યો. સૌથી પહેલા અવની લેખરાએ શૂટિંગમાં ગોલ્ડ મેડલ જીત્યો. આ પછી યોગેશે ડિસ્ક થ્રોમાં સિલ્વર મેડલ જીત્યો. ભારતે જેવેલિન થ્રોમાં પણ કમાલ કરી હતી, આમાં દેવેન્દ્ર ઝાઝરીયાએ સિલ્વર અને સુંદરે બ્રોન્ઝ મેડલ પોતાના નામે કર્યો. હવે સુમિત એન્ટિલે ગોલ્ડ મેડલ જીતી ભારત માટે ઇતિહાસ રચ્યો છે, સુમિતે 68.55 મીટરના થ્રો સાથે વિશ્વ વિક્રમ નોંધાવી ભારતને પેરાલિમ્પિક્સ ગેમ્સમાં બીજો ગોલ્ડ અપાવ્યો છે.

ભારતની અવની લેખરા અને સુમિત એન્ટિલે ટોક્યો પેરાલિમ્પિક્સમાં ઈતિહાસ સર્જ્યો છે. અવનીએ શૂટિંગમાં મહિલાઓની 10 મીટર એર ઇવેન્ટ SH-1 માં ગોલ્ડ મેડલ જીત્યો હતો, જ્યારે સુમિતે બરછી ફેંક F-64 ઇવેન્ટમાં ગોલ્ડ જીત્યો હતો. આ પ્રથમ વખત છે જ્યારે ભારતે પેરાલિમ્પિક ગેમ્સમાં બે ગોલ્ડ મેડલ જીત્યા છે.

આ પહેલા આગલા દિવસે ભારત માટે પેરાલિમ્પિક્સ ગેમ્સમાં પેરાએથલીટે એક દિવસમાં 3 મેડલ જીતીને ઇતિહાસ રચ્યો હતો. ભારત માટે ભાવિના પટેલે સવારે સિલ્વર મેડલ સાથે તેની શરૂઆત કરી હતી, જ્યારે નિશાદ કુમારે પણ હાઇ જમ્પમાં દેશ માટે સિલ્વર મેડલ જીત્યો હતો. વિનોદ કુમારે ડિસ્ક થ્રોમાં બ્રોન્ઝ મેડલ જીતીને દિવસ પૂરો કર્યો. પેરા ભાવિના પટેલ 29 ઓગસ્ટની સવારે પોતાની ઐતિહાસિક ગોલ્ડ મેડલ મેચ રમવા ઉતરી હતી, જ્યાં તે 0-3 થી હારી ગઈ હતી. જેમાં ગોલ્ડ મેડલ નંબર વન ખેલાડી ઝોઉ યિંગને મળ્યો.

English summary

Tokyo Paralympics: India's second gold, Sumit Antil won the gold with a world record!