ઓસ્ટ્રેલિયાના દિગ્ગજ ક્રિકેટર એલન ડેવિડસનનું નિધન, આ રેકોર્ડ બનાવનાર પહેલા ખેલાડી હતા!

ક્રિકેટના લગભગ 150 વર્ષના ઈતિહાસમાં અત્યાર સુધી અસંખ્ય રેકોર્ડ્સ બન્યા છે અને આ રેકોર્ડ સમયાંતરે તૂટતા જ રહે છે, જો કે આજે પણ આ રેકોર્ડ પ્રથમ બનાવનાર ખેલાડીનું સ્થાન કોઈ લઈ શકે તેમ નથી.

નવી દિલ્હી : ક્રિકેટના લગભગ 150 વર્ષના ઈતિહાસમાં અત્યાર સુધી અસંખ્ય રેકોર્ડ્સ બન્યા છે અને આ રેકોર્ડ સમયાંતરે તૂટતા જ રહે છે, જો કે આજે પણ આ રેકોર્ડ પ્રથમ બનાવનાર ખેલાડીનું સ્થાન કોઈ લઈ શકે તેમ નથી. ઓસ્ટ્રેલિયન ક્રિકેટ ટીમના દિગ્ગજ એલન ડેવિડસન હવે આ દુનિયામાં નથી. પ્રથમ વખત ટેસ્ટ મેચમાં સદી ફટકારવાનો અને 10 વિકેટ લેવાનો દુર્લભ રેકોર્ડ બનાવનાર ઓલરાઉન્ડરે શનિવારે (30 ઓક્ટોબર) 92 વર્ષની વયે અંતિમ શ્વાસ લીધા હતા. ક્રિકેટ ઓસ્ટ્રેલિયાએ એલન ડેવિડસનના મૃત્યુની પુષ્ટિ કરી છે.

ન્યૂ સાઉથ વેલ્સ તરફથી રમી રહેલા આ ઓલરાઉન્ડરે ઓસ્ટ્રેલિયા માટે 44 ટેસ્ટ મેચ રમી હતી, જેમાં ડાબા હાથની સ્વિંગ બોલિંગના દમ પર 186 વિકેટ લીધી હતી અને બેટથી 1328 રન પણ બનાવ્યા હતા. ઓસ્ટ્રેલિયન ક્રિકેટમાં તેમના યોગદાનની માન્યતાને ધ્યાનમાં રાખીને આંતરરાષ્ટ્રીય ક્રિકેટ પરિષદે તેમને 2011માં હોલ ઓફ ફેમથી સન્માનિત કર્યા હતા.

ક્રિકેટ ઓસ્ટ્રેલિયાના ચેરપર્સન રિચર્ડ ફ્રુડેન્સટેને એક નિવેદનમાં કહ્યું કે, એલન ડેવિડસનનું નિધન ઓસ્ટ્રેલિયન ક્રિકેટ અને વિશ્વભરના ક્રિકેટ ચાહકો માટે ખૂબ જ દુઃખદ સમાચાર છે. ઓસ્ટ્રેલિયન ક્રિકેટ માટે એલનનું કદ ઘણું મોટું હતું, તે માત્ર ઓસ્ટ્રેલિયા અને ન્યૂ સાઉથ વેલ્સ માટે રમનાર શ્રેષ્ઠ ખેલાડી જ નહોતા, પરંતુ એક એડમિનિસ્ટ્રેટર, મેન્ટર અને હેલ્પર તરીકે તેમનો સકારાત્મક પ્રભાવ પણ આ રમતમાં જોવા મળે છે. એલને તેમની જબરદસ્ત કૌશલ્ય અને જુસ્સા સાથે ક્રિકેટને અપનાવ્યું અને રમત વિશે શું શ્રેષ્ઠ હોઈ શકે તે માટે જીવી બતાવ્યું. તે દરેક ખેલાડી માટે રોલ મોડેલ રહેશે, જે તેના પગલે ચાલવા માંગે છે.

એલન ડેવિડસને 1953 એશિઝ શ્રેણી દરમિયાન ઓસ્ટ્રેલિયા માટે ટેસ્ટ ડેબ્યૂ કર્યુ હતું અને 1960 માં તે ટેસ્ટ મેચમાં 10 વિકેટ અને 100 રન બનાવનાર પ્રથમ ખેલાડી બન્યો હતો. ડેવિડસને 61 વર્ષ પહેલા બ્રિસબેનના મેદાન પર વેસ્ટ ઈન્ડિઝ સામે રમાયેલી આ મેચમાં 124 રન (44 અને 80) બનાવ્યા હતા, જ્યારે 11 વિકેટ પણ લીધી હતી (5/135 અને 6/87). આશ્ચર્યની વાત એ છે કે આ મેચમાં ઓસ્ટ્રેલિયાની ટીમ જ્યારે મુશ્કેલીમાં હતી ત્યારે તેમને મેચના છેલ્લા દિવસે તૂટેલી આંગળી સાથે 80 રન બનાવ્યા હતા અને ટીમને હારમાંથી બચાવી મેચ ડ્રો પર સમાપ્ત કરી હતી.

તમને જણાવી દઈએ કે ક્રિકેટમાંથી નિવૃત્તિની જાહેરાત કર્યા બાદ ડેવિડસને 5 વર્ષ (1979 થી 1984) સુધી ઓસ્ટ્રેલિયન ટીમના ટેસ્ટ સિલેક્ટર તરીકે કામ કર્યું હતું. સિડની ક્રિકેટ ગ્રાઉન્ડ, જ્યાં તેમણે 20 વર્ષ સુધી ટ્રસ્ટી તરીકે સેવા આપી હતી ત્યા પેવેલિયનમાં તેમની યાદમાં ધ્વજ અડધી કાઠી પર લહેરાવવામાં આવ્યો હતો. એશ્લે મેલેટના મૃત્યુના એક દિવસ બાદ જ આ મહાન દિગ્ગજનું નિધન ઓસ્ટ્રેલિયન ક્રિકેટ માટે મોટી ખોટ છે.

English summary

Veteran Australian cricketer Alan Davidson dies, the first player to set this record!