વિરાટ કોહલી ટી-20 રેંકિંગમાં છઠ્ઠા સ્થાને
દુબઇ, 22 ઑગસ્ટઃ વિરાટ કોહલી બુધવારે જારી કરવામાં આવેલી આઇસીસી ટી-20 રેંકિંગમાં સંયુક્ત રીતે છઠ્ઠા નંબર સાથે ભારતીય બેટ્સમેનોમાં સર્વશ્રેષ્ઠ સ્થાન પર છે, જ્યારે બોલિંગની યાદીમાં એક પણ ભારતીય ખેલાડી ટોપ 10માં સામેલ નથી.
સુરેશ રૈના આઠમાં સ્થાન સાથે ટોપ ટેપમાં સામેલ બીજો ભારતીય બેટ્સમેન છે. યુવરાજ સિંહ 16માં નંબર પર છે. ઓફ સ્પિનર આ અશ્વિન બોલિંગની યાદીમાં 16માં સ્થાન પર છે. નોંધનીય છે કે, પાકિસ્તાન 23 ઑગસ્ટથી ઝિમ્બાવ્વે વિરુદ્ધ બે મેચોની ટી-20 આંતરરાષ્ટ્રીય શ્રેમી રમશે, જેમાં તેનું લક્ષ્ય ટોચ પર રહેલી શ્રીલંકા સાથેનું અંતર ઓછું કરવાનું હશે. બે મેચોની શ્રેણી હરારેથી શરૂ થશે અને તેની બીજી મેચ 24 ઑગસ્ટના રોજ રમાશે.
ઝિમ્બાવ્વે પાસે પણ એક ક્રમ ઉપર આવવાની તક છે. જો ટીમ શ્રેણીની બન્ને મેચ જીતી લે છે, તો તેને એક ક્રમાંકનો ફાયદો થશે અને તે 11માં ક્રમે પહોંચી જશે. ઝિમ્બાવ્વે અત્યારે 48 રેટિંગ અંક સાથે 12માં સ્થાન પર છે અને તે બન્ને મેચો જીતીને 16 રેટિંગ અંક હાંસલ કરીને 64 રેટિંગ અંક સાથે 11માં ક્રમે પહોંચી જશે.
Click it and Unblock the Notifications
Sign in with Google
