વોલ ઓફ ચાઇના સમાન છે આ કિલ્લાની દિવાલ

Published: Monday, April 21, 2014, 10:46 [IST]

કુંભલગઢ, રાજસ્થાનના રાજસમંદ જિલ્લામાં સ્થિત એક વિખ્યાત પ્રવાસન સ્થળ છે. આ સ્થળ રાજ્યના દક્ષિણી ભાગમાં સ્થિત છે અને કુંભલમેરના નામથી પણ જાણીતું છે. કુંભલગઢ કિલ્લો રાજસ્થાન રાજ્યનો બીજો સૌથી મહત્વપૂર્ણ કિલ્લો છે. તેનું નિર્માણ પંદરમી સદીમાં રાણા કુંભાએ કરાવ્યું હતું. પ્રવાસન કિલ્લા પરથી આસપાસના રમણીય દ્રષ્યોનો આનંદ લઇ શકાય છે. શત્રુઓથી રક્ષા માટે આ કિલ્લાની ચારેકોર દિવાલનું નિર્માણ કરવામાં આવ્યું હતું. એવું કહેવામાં આવે છેકે ચીનની મહાન દિવાલ બાદ આ એક સૌથી લાંબી દિવાલ છે.

રાજસ્થાનના અન્ય શહેરોની માફક, કુંભલગઢ પણ પોતાના શાનદાર મહેલો માટે પ્રસિદ્ધ છે, જેમાં બાદલ મહેલ પણ સામેલ છે. આ ઇમારત બાદલોના મહેલના નામથી પણ જાણીતી છે. મર્દાના મહેલ અને જનાના મહેલ આ મહેલના એકબીજા સાથે જોડાયેલા બે ભાગો છે. આ મહેલના શાનદાર રૂમ પેસ્ટલ રંગોથી નિર્મિત ભિત્ત ચિત્રોથી સુસજ્જિત છે. તેના મંડપ અદ્વિતીય વાતાનુકુલન પદ્ધિત માટે વિખ્યાત છે.

કુંભલગઢ પોતાના શાનદાર મહેલો ઉપરાંત અનેક પ્રાચીન મંદિરો માટે પણ પ્રસિદ્ધ છે. તેમાં વેદી મંદિર, નીલકંઠ મહાદેવ મંદિર, મુચ્છળ મહાદેવ મંદિર, પરશુરામ મંદિર, મમ્માદેવ મંદિર અને રણકપુર જૈન મંદિર આ પ્રવાસન સ્થળના મુખ્ય પવિત્ર સ્થળો છે. કુંભલગઢ અભ્યારણ્ય, ચાર સીંગોવાળા હરણ, કાળા દીપડા, જંગલી સુઅર જોવા માટે આ આદર્શ સ્થળ છે. હલ્દીઘાટી અને ઘણેરો કુંભલગઢના પ્રવાસન માટે અન્ય પ્રસિદ્ધ આકર્ષણ છે. તો ચાલો તસવીરો થકી જોઇએ કુંભલગઢને.