ઓછા બજેટથી પહોંચી શકશો અયોધ્યા, શાનદાર છે આજુબાજુના ફરવાલાયક સ્થળો

Updated: Friday, January 19, 2024, 13:05 [IST]

Ram Mandir Inauguration: માત્ર દેશ નહિ પરંતુ સમગ્ર દુનિયામાં રામ નામનો મહિમા ગવાઈ રહ્યો છે. લોકો 22 જાન્યુઆરીની આતુરતાથી રાહ જોઈ રહ્યા છે જ્યારે દેશના વડાપ્રધાન દ્વારા ભગવાન રામ લલ્લાની પ્રાણ પ્રતિષ્ઠા કરવામાં આવશે.

ભગવાન શ્રી રામની પ્રાણ પ્રતિષ્ઠા કાર્યક્રમ માટે માત્ર રામ મંદિરનું નિર્માણ કાર્ય પૂર્ણ થઈ રહ્યું નથી પરંતુ સમગ્ર અયોધ્યાને સુશોભિત કરવામાં આવી રહી છે. અયોધ્યા શહેરને દુલ્હનની જેમ શણગારવામાં આવી રહ્યું છે. અયોધ્યાના લોકો 22 જાન્યુઆરીએ દિવાળી ઉત્સવ ઉજવીને ભગવાનનું સ્વાગત કરશે.

રામ મંદિરમાં યોજાનારા ઐતિહાસિક કાર્યક્રમને લઈને અયોધ્યા શહેર પણ ચર્ચામાં છે. પ્રાણ પ્રતિષ્ઠા બાદ અયોધ્યા રામ મંદિરના દરવાજા સામાન્ય જનતા માટે ખોલવામાં આવશે. એવી અપેક્ષા રાખવામાં આવે છે કે રામ લાલાને તેમના જન્મસ્થળ પર સ્થાપિત કર્યા પછી, ભક્તોની ભારે ભીડ અયોધ્યા શહેરમાં આવશે. દુનિયાભરમાંથી લોકો અયોધ્યા જવા પહોંચી રહ્યા છે.

ટ્રેનથી અયોધ્યા

દેશભરના અલગ-અલગ શહેરોથી અયોધ્યા જવા માટે ટ્રેનમાં જઈ શકો છો. અયોધ્યા જંક્શનથી રામ મંદિરનું અંતર આશરે છ કિલોમીર છે. ગુજરાતમાંથી અયોધ્યા પહોંચવા માટેના ઘણા સસ્તા વિકલ્પો ઉપલબ્ધ છે. પશ્ચિમ રેલવે દ્વારા 8 અસ્થા ટ્રેનની 48 ટ્રીપ ચલાવવામાં આવશે.

જેમાં વડોદરાથી અયોધ્યા સુધીની ટ્રેન 9 અને 22 ફેબ્રુઆરીએ દોડશે.
અમદાવાદના સાબરમતી રેલવે સ્ટેશનથી સાલારપુર વચ્ચેની અસ્થા ટ્રેન 29 જાન્યુઆરી, 1લી, 4થી, 7મી, 12મી, 15મી, 18મી, 21મી, 24મી અને 27મી ફેબ્રુઆરીએ અયોધ્યા માટે ઉપડશે.
મહેસાણા-સલારપુર ટ્રેન 30મી જાન્યુઆરી, 2જી, 5મી, 8મી, 13મી, 16મી, 19મી, 22મી, 25મી, 28મી ફેબ્રુઆરીએ દોડશે.
પાલનપુર-સલારપુર ટ્રેન 31મી જાન્યુઆરી, 3જી, 6ઠ્ઠી, 9મી, 14મી, 17મી, 20મી, 23મી, 26મી, 29મી ફેબ્રુઆરીએ દોડશે. વડોદરા-અયોધ્યા ટ્રેન 9 અને 23 ફેબ્રુઆરીએ દોડશે. અયોધ્યાથી વડોદરા પરત ફરતી ટ્રેન 12 અને 26 ફેબ્રુઆરીએ દોડશે.
ઉધના-અયોધ્યા ટ્રેન 30 જાન્યુઆરી, 13 અને 27 ફેબ્રુઆરીએ દોડશે. વલસાડ-અયોધ્યા ટ્રેન 2જી અને 16મી ફેબ્રુઆરીએ દોડશે. વાપી-અયોધ્યા ટ્રેન 6 અને 2 ફેબ્રુઆરીએ દોડશે.

ફ્લાઈટથી અયોધ્યા

ફ્લાઈટની વાત કરીએ તો સ્પાઈસ જેટ દ્વારા ડાયરેક્ટ અમદાવાદ-અયોધ્યા ફ્લાઇટ સેવા શરૂ કરવામાં આવશે.

1 ફેબ્રુઆરી, 2024થી અમદાવાદના સરદાર વલ્લભભાઈ પટેલ ઈન્ટરનેશનલ એરપોર્ટ અને મહર્ષિ વાલ્મીકી ઈન્ટરનેશનલ એરપોર્ટ, અયોધ્યા ધામ વચ્ચે બુધવાર સિવાય અઠવાડિયામાં છ દિવસ ડાયરેક્ટ ફ્લાઇટ મળશે. સવારે 6 વાગે SVPI એરપોર્ટથી ફ્લાઈટ ઉપડશે, જેનુ ભાડુ 4500 રુપિયા છે. આ ફ્લાઈટ 1 ફેબ્રુઆરીથી 30 માર્ચ સુધી ચાલશે.
આ ઉપરાંત ઈન્ડિગોએ 11 જાન્યુઆરીથી અમદાવાદથી અયોધ્યા વચ્ચે ફ્લાઈટ સેવા શરુ કરી દીધી છે. જેનુ ભાડુ 7199 રુપિયા છે. ઈન્ડિગો ફ્લાઈટ મંગળ, ગુરુ અને શનિવારે સવારે અમદાવાદથી 9.10 વાગે ઉપડશે અને અયોધ્યામાં 11 વાગે પહોંચશે.

બસથી અયોધ્યા

જો તમે બસ મારફતે અયોધ્યાની મુસાફરી કરવા માંગતા હોવ તો જણાવી દઈએ કે, અમદાવાદથી અયોધ્યા વચ્ચેનું રોડ માર્ગેનું અંતર, 1387 કિલોમીટર છે. રોડ માર્ગે તમારે વાયા જયપુર - લખનઉ થઇ અયોધ્યા જવું પડશે. અમદાવાદથી અયોધ્યા સુધીનું સ્લીપર બસનું ભાડું 2000 રૂપિયા છે. જ્યારે સેમી સ્લિપર બસનું ભાડું 1400 રૂપિયા છે.

અયોધ્યા રામ મંદિરની આજુબાજુના ફરવાલાયક સ્થળો

જો તમે પણ ભગવાન શ્રી રામની નગરી અયોધ્યામાં આવેલા શ્રી રામ મંદિરની મુલાકાત લેવા જઈ રહ્યા છો, તો જાણો શ્રી રામ મંદિર સિવાયની એવી કઈ જગ્યાઓ છે જ્યાં તમે દર્શન માટે જઈ શકો છો.

1. રામ કી પૈડી: અયોધ્યા શહેરમાં પહોંચ્યા પછી, સૌથી પહેલા રામ કી પૈડી જાઓ. સરયુ નદીના કિનારે ઘાટોની હારમાળા આવેલી છે. એવું માનવામાં આવે છે કે અહીં સ્નાન કરવાથી તમામ પાપ ધોવાઇ જાય છે.

2. હનુમાનગઢીઃ રામ કી પૈડીમાં સ્નાન કર્યા બાદ તમારે હનુમાનગઢી જવું જોઈએ કારણ કે શ્રી રામજીના દર્શન કરતા પહેલા અહીં હનુમાનજીના દર્શન અને અનુમતિ લેવી ફરજિયાત છે.

3. દશરથ મહેલઃ રાજા દશરથ આ મહેલમાં રહેતા હતા. આ મહેલમાં જ તે પોતાનો દરબાર પણ રાખતો હતો.

4. કનક મહેલઃ એવું માનવામાં આવે છે કે ત્રેતાયુગમાં રાણી કૈકેયીએ માતા સીતાના દર્શન કરીને તેમને કનક મહેલ આપ્યો હતો.

5. સૂર્યકુંડઃ એવું માનવામાં આવે છે કે ભગવાન સૂર્ય ભગવાન શ્રી રામના દર્શન કરવા માટે સૂર્યકુંડમાં આવ્યા હતા. ભગવાન રામની ગાથા પર દરરોજ લેસર શો પણ થાય છે.

6. સીતાનું રસોડું: એવું માનવામાં આવે છે કે માતા સીતાએ આ રસોડામાં પંચ ઋષિઓને ભોજન કરાવ્યું હતું.

7. ગુપ્તરઘાટઃ એવું માનવામાં આવે છે કે ભગવાન શ્રી રામ આ ઘાટ પરથી પોતાના ધામમાં ગયા હતા. 8. નાગેશ્વર નાથ મંદિર: ભગવાન રામના પુત્ર કુશ દ્વારા સ્થાપિત નાગેશ્વર નાથ મંદિર.

આ ઉપરાંત અયોધ્યા રેલ્વે સ્ટેશનેથી 3 કિમીના અંતર પર આવેલાં મંદિરોની યાદી અહીં આપેલી છે.