ગ્રીન ઓસ્કર વિનિંગ ફિલ્મમાં ચમકી ચૂક્યું છે છત્તીસગઢનું આ શહેર

Published: Tuesday, November 12, 2013, 13:18 [IST]

સરગુજા, છત્તીસગઢના ઉત્તરીય ભાગમાં સ્થિત છે અને તેની સીમા ઉત્તર પ્રદેશ અને ઝારખંડને મળે છે. આ સ્થળની 50 ટકા ભૂમિ જંગલોથી ઘેરાયેલી છે, જ્યાં અનેક જંગલો આવેલા છે. છત્તીસગઢ, ભારતમાં સાતમુ ચા ઉત્પાદન કરતું સૌથી મોટું રાજ્ય છે અને સરગુજા, જસપુર ચા ઉત્પાદન માટે સૌથી ઉપયુક્ત સ્થળ છે.

અનેક પૌરાણિક કહાણીઓ આ સ્થળ સાથે જોડાયેલી છે. એવું કહેવામાં આવે છે કે, ભગવાન રામે પોતાનો 14 વર્ષના વનવાસ દરમિયાન આ સ્થળની મુલાકાત લીધી હતી અને અહીંના અનેક સ્થળોના નામ ભગવાન રામ, સીતા માતા અને લક્ષ્મણજીના નામ પરથી રાખવામાં આવ્યા છે. આ સ્થલોને રામગઢ, સીતા-ભેનગરા અને લક્ષ્મણગઢ કહેવામાં આવે છે.

છત્તીસગઢના અન્ય સ્થળોની જેમ, સરગુજામાં પણ અનેક શાસકોએ રાજ કર્યું છે. અહીં શાસનની શરૂઆત, નંદ અને મૌર્ય વંશથી થઇ હતી, જે રક્ષાલ સુધી હતી. આ શહેર, બ્રિટિશ શાસન હેઠળ એક રિયાસત હતી. હસદેવ નદી, રિહંદ નદી અને કનહાર નદી, સરગુજાની પ્રમુખ નદીઓમાની એક છે. સરગુજા, ગ્રીન ઓસ્કર જીતનારી ફિલ્મ, ધ લાસ્ટ માઇગ્રેશનના બૈકડ્રોપ માટે પણ પ્રસિદ્ધ છે, જે ક્ષેત્રના હાથીઓ પર કેન્દ્રિત ફિલ્મ હતી.

પોતાના ઐતિહાસિક અને આદિવાસી પ્રભાવ ઉપરાંત, સરગુજા પ્રવાસી માટે પ્રમુખ પ્રવાસન સ્થળ છે. સરગુજામાં પ્રાચીન ખંડેર અને મંદિરની કલાત્મક કોતરણી છે, જે વિસ્તૃત રીતે ત્યાં જોવા મળે છે. છત્તીસગઢને અસંખ્ય ઝરણાઓ માટે પણ ઓળખવામાં આવે છે, સરગુજા પણ આ ઝરણાવાલા ક્ષેત્રોમાનું એક છે. ટાઇગર પોઇન્ટ ઝરણુ, માનીપતમાં સ્થિત છે. રામગઢ અને સીતા બેનગરા ગુફાઓ છે, જે પૂર્વ ઐતિહાસિક ચિત્રોના કારણે પ્રસિદ્ધ છે. એવુ માનવામાં આવે છે કે, ભગવાન રામ પોતાના 14 વર્ષના વનવાસ દરમિયાન અહીં આવીને રોકાયા હતા.

અંબિકાપુર, અહીંના અન્ય આકર્ષણોમાનું એક છે, જે છત્તીસગઢમાં મંદિરોનું શહેર કહેવામાં આવે છે, તાત પાણિને વર્ષ ભર ગરમ પાણીના સ્ત્રોતના રૂપમાં ઓળખવામાં આવે છે, અહીં ગરમ પાણી વહે છે. દીપાદિહ, ખંડેર અને જૂના મંદિરોનું કેન્દ્ર છે, જ્યાં પુરાતત્વ માટે જાણવામાં આવે છે. કેદારગઢ એક તિર્થ સ્થળ છે. તો ચાલો તસવીરોમાં નીહાળીએ છત્તીસગઢના સરગુજાને.