ઓટો એક્સપોઃ હુન્ડાઇએ લોન્ચ કર્યો સેન્ટા ફેનો નવો અવતાર

Published: Friday, February 7, 2014, 15:15 [IST]

આ વખતે દિલ્હી ઓટો એક્સપો અનેક બાબતે ખાસ છે, જ્યાં એક તરફ વિદેશી વાહન નિર્માતા શાનદાર વાહનો રજૂ કરી રહ્યાં છે, બીજી તરફ દેશની લોકપ્રિય કંપનીઓ પણ શાનદાર મોડલ્સને ઉતારવાનું આયોજન કરી રહ્યાં છે. આ ક્રમમાં દેશની બીજી સૌથી મોટી કાર નિર્માતા કંપની હુન્ડાઇએ પોતાની શાનદાર એસયુવી સેન્ટા ફેનો નવો અપગ્રેટેડ અવતાર લોન્ચ કરવામાં આવ્યો છે.

તમને જણાવી દઇએ કે નવી સેન્ટા ફે હાલના મોડલની તુલનાએ વધું લાંબી છે. પ્રાપ્ત માહિતી અનુસાર નવી સેન્ટા ફેમાં કંપનીએ 2.2 લીટરની ક્ષમતના 4 સિલિન્ડર યુક્ત કોમન રેલ ટર્બો ડીઝલ એન્જીનનો પ્રયોગ કર્યો છે. જે કારને 194 બીએચપી પ્રદાન કરે છે. તો ચાલો તસવીરો થકી જાણીએ હુન્ડાઇની નવી સેન્ટા ફેને.

હુન્ડાઇ સેન્ટા ફે મેન્યુઅલ કિંમત

તમને જણાવી દઇએ કે, કંપનીએ પોતાની નવી સેન્ટા ફેને મેન્યુઅલ અને ઓટોમેટિક બન્ને વેરિએન્ટ સાથે બજારમાં રજૂ કરી છે. જેમાં કંપનીએ નવી 2 વ્હીલ ડ્રાઇવ મેન્યુઅલ સેન્ટા ફેની કિંમત 26.3 લાખ રૂપિયા સુધી નક્કી કરી છે.

નવી હુન્ડાઇ સેન્ટા ફે ઓટોમેટિકની કિંમત

હુન્ડાઇએ નવી સેન્ટા ફેના નવા ઓટોમેટિક વેરિએન્ટમાં 6 સ્પીડ ટ્રાન્સમિશન ગિયરબોક્સનો ઉપયોગ કર્યો છે. આ વેરિએન્ટની કિંમત ભારતીય બજારમાં 27.33 લાખ રૂપિયા નક્કી કરવામાં આવી છે.