અનોખી કાર ટેસ્ટિંગઃ એકે બાંધ્યા આંખે પાટા, બીજાએ લગાવ્યો જમ્પ

Updated: Thursday, October 16, 2014, 15:45 [IST]

આપણે બધા જ જાણીએ છીએ કે ટ્રાફિકભર્યા માહોલમાં ડ્રાઇવિંગ કરવું કેટલું કંટાળાજનક હોય છે. વારંવાર ગીયર બદલવો, ટ્રાફિક પોઇન્ટ પરની સ્થિતિ અનુરુપ પોતાની ડ્રાઇવિંગ પ્રતિભાને ઢાળવી વિગેરે સમસ્યા આપણને પરેશાન કરતી હોય છે. ત્યારે અચાનક તમને એવા સમાચાર સાંભળવા મળે કે તમે ડ્રાઇવિંગ સીટ પર બેસેલા હોવ પરંતુ કાર પોતાની મેળે ટ્રાફિક અનુરુપ પોતાને ઢાળી દે તો? આ વાંચીને કદાચ તમને આશ્ચર્ય થતું હશે, પરંતુ કાર નિર્માણ કરતી કંપની હુન્ડાઇ દ્વારા એક એવી ટેક્નોલોજીને ડેવલોપ કરવામાં આવી રહી છે, જે ડ્રાઇવરને પોતાની સીટ બેક કરીને રિલેક્સ થવાની તક આપશે. આ સિસ્ટમમાં ઓટોમેટિક ઇમરન્જસી બ્રેકિંગ, લેન કિપિંગ એસિસ્ટ તથા સ્માર્ટ ક્રુઝ કન્ટ્રોલ જેવા ફીચર આપવામાં આવશે.

આ પણ વાંચોઃ- હૃદયના ધબકારા વધારી દેશે BMW M4ની આ રાઇડ
આ પણ વાંચોઃ- પહેલીવાર હોન્ડા લોન્ચ કરશે સેવન સીટર મોબિલિયો, જાણો ખાસિયત
આ પણ વાંચોઃ- ધ પ્રીમિયર પદ્મિનીઃ આ કારની સ્ટાઇલના દિવાના હતા ભારતીયો

તમને જણાવી દઇએ કે આ બધા જ ફીચર ભવિષ્યના સમયમાં કારમાં ઉપયોગમાં લેવામાં આવશે તેવું નથી પરંતુ આ તમામ ફીચરનો ઉપયોગ હુન્ડાઇની નવી જેનેસિસમાં જોવા મળશે. આ કારનું ટેસ્ટિંગ કેલિફોર્નિયામાં કરવામાં આવ્યું. ટેસ્ટિંગ દરમિયાન ચાલું કારે ડ્રાઇવરે કારમાંથી જમ્પ મારી દીધો હતો. કારને તેમાં આપવામાં આવેલી સિસ્ટમ દ્વારા ચલાવવામાં આવી રહી હતી અને આ એક ડેમો હતો કે કેવી રીતે કાર નિયમોનું પાલન કરીને ઇમરજન્સીભરી પરિસ્થિતિમાંથી મૂળભૂત સ્થિતિમાં આવી જાય છે. એક કારમાં ડ્રાઇવર કારમાંથી જમ્પ મારતો નથી અને અંદર જ બેસી રહે છે, તેણે પોતાની આંખે પાટા બાંધ્યા છે અને હાથને વાળી દીધા છે, જે દર્શાવે છેકે કાર પોતાની મેળે ઓપરેટ થઇ રહી છે. તો ચાલો તસવીરો થકી અને વીડિયો થકી તે નિહાળીએ.