આ દેશોમાં કાર ડ્રાઇવ કરતી વેળા જીવ મુકાય જાય છે જોખમમા

Updated: Saturday, July 12, 2014, 17:51 [IST]

આપણે જીવનમાં એક પ્રશ્ન અવાર નવાર વિચારતા હોઇએ છીએ કે વિશ્વમાં કયા દેશો સુરક્ષિત છે અને કયા દેશો જોખમી છે, તેમાં પણ આ પ્રશ્ન સૌથી વધુ એ સમયે ઉદ્ભવે છે, જ્યારે આપણે ડ્રાઇવિંગ કરી રહ્યાં હોઇએ છીએ. ધ યુનિવર્સિટી ઓફ મિચિગન ટ્રાન્સપોર્ટ રીસર્ચ ઇન્સ્ટિટ્યૂટ દ્વારા આ અંગે એક તારણ કાઢવામાં આવ્યું છે. આ ઇન્સ્ટિટ્યૂટ દ્વારા જે રીસર્ચ પેપરને પ્રકાશિત કરવામાં આવ્યા છે તે વર્લ્ડ હેલ્થ ઓર્ગેનાઇઝેશનના ડેટા ઉપર છે, જેમાં 193 દેશોના મૃતકોનો આંકડો આપવામાં આવ્યો છે, જે માર્ગ અકસ્માત અને કેન્સર તથા હૃદયરોગ પર આધારિત છે.

જે રીસર્ચ કરવામાં આવ્યું છે, તેમાં રસપ્રદ આંકડાઓ બહાર આવ્યા છે. જે અનુસાર વિશ્વ ભરમાં અકસ્માતોમાં મૃત્યુ પામનારાઓની સંખ્યા લાખે 18 છે. જેમાં નામિબિયા સૌથી જોખમી દેશ છે, જ્યાં દર એક લાખ લોકોએ 45 લોકોના મોત નીપજે છે, જ્યારે સૌથી સુરક્ષિત દેશ માલદિવ છે, જેમાં એક લાખે બે લોકોના અકસ્માતે મોત નીપજે છે.

રસપ્રદ વાત એ છે કે જ્યારે માર્ગ અકસ્માતના આંકડાઓને ટકાવારીમાં માપવામાં આવે તો યુએઇ આ યાદીમાં ટોચ પર આવે છે, જ્યાં કાર અકસ્માતમાં મોતની સંખ્યા 15.9 ટકા છે, જ્યારે વિશ્વમાં એવરેજ કેસ 2.1 ટકા છે. તો ચાલો તસવીરો થકી જાણીએ આ રસપ્રદ આંકડાઓને.