39 વાર રિજેક્શન પછી Googleએ કર્યો સિલેક્ટ, શેર કરી પોતાની સ્ટોરી, થઈ રહી છે વાયરલ
વારંવારની નિષ્ફળતા પછી પણ જો તમે હિંમત ન હારી અને મેદાનમાં ઉભા રહો તો સફળતાને પણ તમને મળવા માટે મજબૂર થવુ પડે છે. જાણો 39 વાર રિજેક્ટ થયા પછી સફળતાની કહાની...
વારંવારની નિષ્ફળતા પછી પણ જો તમે હિંમત ન હારી અને મેદાનમાં ઉભા રહો તો સફળતાને પણ તમને મળવા માટે મજબૂર થવુ પડે છે. એક વ્યક્તિએ ગૂગલમાં નોકરીના સપના માટે કંઈક આવુ જ કર્યુ અને હવે તેની સ્ટોરી સોશિયલ મીડિયા પર વાયરલ થઈ રહી છે. ટેલર કોહેનનુ સપનું ગૂગલમાં કામ કરવાનુ હતુ. આ સપનુ સાકાર કરવા માટે તેણે કંપનીને વારંવાર અરજીઓ મોકલી અને દરેક વખતે તેને જવાબમાં ઇનકાર મળતો. પરંતુ તેણે હિંમત હારી નહિ અને 39 અરજીઓ નકારી કાઢવામાં આવ્યા બાદ આખરે તેની કંપની માટે પસંદગી થઈ.

શેર કર્યો સ્ક્રીનશૉટ
ટેલરે ગૂગલ સાથેકંપનીએ આખરે તેને પસંદ કર્યો છે તે મેઈલ સહિત તેના તમામ ઈમેલ કમ્યુનિકેશનનો સ્ક્રીનશૉટ શેર કર્યો છે. LinkedIn પર શેર કરવામાં આવેલો આ સ્ક્રીનશોટ હવે ઝડપથી વાયરલ થઈ રહ્યો છે અને લોકો કોહેનને અભિનંદન આપવાની સાથે સાથે તેની ભાવનાના વખાણ પણ કરી રહ્યા છે. સ્ક્રીનશૉટ શેર કરતા કોહેને લખ્યુ, 'જીદ અને ગાંડપણ વચ્ચે એક પાતળી લાઇન છે. હું હજી પણ વિચારી રહ્યો છુ કે હું શેમાં આવુ છુ. 39 અસ્વીકાર અને એક સ્વીકાર'

2019માં પહેલુ આવેદન
કોહેન દ્વારા શેર કરવામાં આવેલ સ્ક્રીનશૉટને જોતા જાણવા મળે છે કે તેણે ઓગસ્ટ 2019માં પહેલીવાર ગૂગલમાં અરજી કરી હતી જેને નકારી કાઢવામાં આવી હતી. પરંતુ તેણે હાર ન માની અને તે જ વર્ષે સપ્ટેમ્બરમાં બે વખત અરજી કરી અને બંને વખત તેની પસંદગી થઈ ન હતી. આ પછી તેણે થોડા દિવસો સુધી અરજી કરી ન હતી અને કોરોના સમયમાં જૂન 2020માં ફરીથી અરજી કરી હતી.

સ્ટોરી થઈ રહી છે વાયરલ
કોરોના સમયગાળા દરમિયાન કોહેન અરજીઓ મોકલતો રહ્યો અને Google તરફથી અસ્વીકાર આવતા રહ્યા. વારંવારના અસ્વીકાર છતાં કોહેન નિરાશ ન થયા અને આખરે 19 જુલાઈ 2022ના રોજ Google દ્વારા તેમની પસંદગી કરવામાં આવી. લિંક્ડઇન પર તેણે આ સ્ટોરી શેર કરતાની સાથે જ તે ઝડપથી વાયરલ થઈ ગઈ. લોકો અભિનંદન સાથે તેના જોરદાર વખાણ કરી રહ્યા છે.

યુઝર શેર કરી રહ્યા છે પોતાની કહાની
જ્યારે યુઝર્સ તેને અભિનંદન આપી રહ્યા છે તો કેટલાકે તેની સાથે આવી જ સ્ટોરી શેર કરી છે. એક યુઝરે લખ્યું કે મને એમેઝોનમાં સિલેક્શન પહેલા 120થી વધુ રિજેક્શન મળ્યા હતા. જ્યારે અન્ય યુઝરે લખ્યુ કે મેં 83 વખત એપ્લાય કર્યુ છે અને 82 રિજેક્શન્સ મળ્યા છે. એકનો જવાબ આપવાનો બાકી છે.
-
સુરત ઈકોનોમિક રિજિયન SERને રોડ ઇન્ફ્રાસ્ટ્રક્ચર માટે 1185 કરોડ ફળવાયા -
ઓમ બિરલા સામે અવિશ્વાસ પ્રસ્તાવ, જાણો સ્પીકરને હટાવવાના નિયમો અને પ્રક્રિયા -
IND vs NZ Final: ભારતે ન્યુઝીલેન્ડને જીતવા માટે આપ્યો 256 રનનો ટાર્ગેટ -
ગુજરાતમાં હાલ પીવાના પાણીનો પુરતો જથ્થો:ગુજરાત સરકાર -
ગુજરાત સરકારનો મોટો નિર્ણય, 6 મહાનગરપાલિકાઓમાં વહીવટદારોની નિમણૂક -
Petrol Diesel Price: 8 માર્ચે બદલાયા પેટ્રોલ-ડીઝલના ભાવ, જાણો તમારા શહેરની લેટેસ્ટ કિંમત -
T20 World Cup : ભારતના ખાતામાં વધુ એક વર્લ્ડ કપ, ન્યુઝીલેન્ડને હરાવીને ચેમ્પિયન -
Weather News: ઉત્તર ભારતના આ રાજ્યોમાં વધશે તાપમાન, હિમાચલમાં વરસાદ, જાણો હવામાન વિભાગની આગાહી -
Gold Rate Today: એક જ અઠવાડિયામાં સોનું ₹5060 સસ્તું થયું, જાણો લેટેસ્ટ કિંમત -
કેશોદ એરપોર્ટ પર પાઇલટ ટ્રેનિંગ સેન્ટર શરૂ થશે, જાણો શું કહ્યું સરકારે? -
પશ્ચિમ બંગાળમાં રાષ્ટ્રપતિ દ્રૌપદી મુર્મુની અવગણના પર વિવાદ, કેન્દ્રએ રાજ્ય સરકાર પાસે માંગ્યો રિપોર્ટ -
IND vs NZ Final: ન્યુઝીલેન્ડે જીત્યો ટોસ, ભારત પહેલા કરશે બેટિંગ, જાણો પ્લેઈંગ 11









Click it and Unblock the Notifications
