સરકારે સ્વીત્ઝરલેન્ડથી આયાત થતા સોનાની તપાસના આદેશ આપ્યા

નવી દિલ્હી, 26 નવેમ્બર : ભારતમાં સોનાની આયાત પર નિયંત્રણ લાદવામાં આવ્યું છે. આ કારણે ભારતમાં સોનાની વધતી માંગને સંતોષવા માટે સોનાની દાણચોરી વધી છે. આ બાબત સરકારના ધ્યાનમાં આવતા જ સરકારે સ્વીત્ઝરલેન્ડમાંથી થતી સોનાની આયાતની તપાસ કરવાના આદેશ આપ્યા છે.

આ અંગે સીએનબીસી આવાઝને સુત્રો તરફથી મળેલી એક્સલુઝિવ જાણકારી અનુસાર રેવેન્યુ વિભાગ સ્વિટઝરલેન્ડથી થયેલી સોનાની આયાતની તપાસમાં લાગી ગયું છે. સૂત્રોએ એમ પણ કહ્યુ છે કે રેવેન્યુ વિભાગ કેટલાક મોટા સ્ટાર ટ્રેડર્સની તપાસ કરી રહ્યા છે જેના પર 80:20 ઈમ્પોર્ટ નિયમના ઉલ્લંધનનો આરોપ છે.

સૂત્રનું કહેવુ છે કે સરકારે સ્વિટ્ઝરલેન્ડથી ગોલ્ડ ઈમ્પોર્ટની તપાસનો આદેશ આપ્યો છે. સરકાર રેવેન્યુ વિભાગ, કસ્ટમ વિભાગ અને આરબીઆઈને તપાસનો આદેશ આપ્યો છે. સરકારના સ્વિટ્ઝરલેન્ડથી ગોલ્ડ ઈમ્પોર્ટ અને ત્યાં થયેલા એક્સપોર્ટની વચ્ચે સમાનતાની તપાસ માટે કહ્યું છે.

English summary

Government ordered interrogation in Gold Import from Switzerland.