જાણો બાળકો માટે બેન્ક અકાઉન્ટ કેવી રીતે ખોલી શકાય

બાળકોનું બેન્ક ખાતું ખોલવુ ખૂબ જ સરળ છે. જ્યારે બાળકો મોટા થાય, ત્યારે પોતાના બાળકોના નામે બચત અને રોકાણ કરવું હંમેશા યોગ્ય હોય છે.

Updated: Thursday, June 7, 2018, 15:54 [IST]

બાળકોનું બેન્ક ખાતું ખોલવુ ખૂબ જ સરળ છે. જ્યારે બાળકો મોટા થાય, ત્યારે પોતાના બાળકોના નામે બચત અને રોકાણ કરવું હંમેશા યોગ્ય હોય છે. તમે નિયમિત રીતે નાની રકમથી બચતની શરૂઆત કરી શકો છો. કોઈ પણ રોકાણ માટે નિયમિત બચતની આવક જરૂરી છે.

જો બચત કરવી અઘરી છે, તો તમે સગીર બાળકના નામ પર એક અલગ ખાતું ખોલાવી શકો છો. અને તેમાં નિયમિત રકમ જમા કરાવી શકો છો. જેનાથી પૈસાની બચત પણ થશે અને તેનો ઉપયોગ ભવિષ્યમાં કોઈ ચૂકવણી, ખર્ચ કે પછી રોકાણ માટે પણ કરી શકાય છે.

આજે અમે તમને જણાવીશું કે કેવી રીતે બાળકો માટે બેન્કનું ખાતુ ખોલી શકાય છે.

માતાને ખાતાના ગાર્ડિયન બનાવવામાં આવે છે

જે બાળકોનું ધ્યાન તેમના માતા રાખતા હોય, તેવા સગીર બાળકોના બચત ખાતા ખોલવાની બેન્કને મંજૂરી અપાય છે. આ ખાતામાંથી બાળકના વાલીઓને વધુ રકમ ઉપાડવાની મંજૂરી નથી હોતી, તેથી બચત વધુ થાય છે.

બાળકો જાતે જ ખાતાનો ઉપયોગ કરી શકે છે

10 વર્ષથી વધુ ઉંમરના સગીર બાળકો પોતાની જાતે જ બેન્ક ખાતું ખોલી શકે છે કે તેનો ઉપયોગ કરી શકે છે. જો કે તેમાં રિસ્ક કેટલું છે, તે જોઈને આ ઉંમર અને રકમ કેટલી હશે તે નક્કી કરવાનો અધિકાર બેન્કનો છે.

ઈન્ટરનેટ બેન્કિંગની સુવિધા

તમે ઈન્ટરનેટ બેન્કિંગ, ડેબિટ કાર્ડ, ચેકબુક જેવી બેન્કની સુવિધાનો પણ લાભ મેળવી શકો છો. સગીર બાળકના નામે તેના વાલીને ચેકબુક આપવામાં આવે છે.

સાચા વાલી દ્વારા જ વપરાવું જોઈએ બેન્ક એકાઉન્ટ

પુખ્ત થઈ ગયા પછી બાળકના ખાતામાં કેટલી રકમ છે, તે ચેક કરવું જોઈએ. અને સાથે એ પણ ચેક કરવું જોઈએ કે બાળકના બાયોલોજિકલ માતા પિતા દ્વારા જ આ ખાતાનો ઉપયોગ કરાયો છે કે નહીં.