મુકેશ અંબાણી બન્યા દુનિયાના 7માં સૌથી અમીર વ્યક્તિ, વૉરેન બફેટને પછાડ્યા
ભારતના ઉદ્યોગપતિ મુકેશ અંબાણી માટે વર્ષ 2020 ઘણુ સારુ સાબિત થઈ રહ્યુ છે.
નવી દિલ્લીઃ કોરોના વાયરસ વૈશ્વિક મહામારીમાં જ્યાં દુનિયા ત્રાહિમામ પોકારી રહી છે, તમામ દેશોની અર્થવ્યવસ્થા ખરાબ રીતે પ્રભાવિત થઈ છે, મોટા મોટા ઉદ્યોગ ધંધા પ્રભાવિત થયા છે ત્યાં બીજી તરફ ભારતના ઉદ્યોગપતિ મુકેશ અંબાણી માટે વર્ષ 2020 ઘણુ સારુ સાબિત થઈ રહ્યુ છે. મુકેશ અંબાણીની કંપનીમાં સતત એક પછી એક ગણી કંપનીઓએ ઘણુ મોટુ રોકાણ કર્યુ છે. તેમના ડિજિટલ બિઝનેસમાં ઘણો વધારો જોવા મળ્યો છે. આ જ કારણ છે કે મુકેશ અંબાણીની સંપત્તિમાં પણ આ વર્ષે જબરદસ્ત વધારો થયો છે.

70 બિલિયન ડૉલરની થઈ સંપત્તિ
રિલાયન્સ ઈન્ડસ્ટ્રીઝ લિમિટેડના ચેરમેન મુકેશ અંબાણીની કુલ સંપત્તિ લગભગ 70 બિલિયન ડૉલર સુધી પહોંચી ગઈ છે. મહત્વની વાત એ છે કે હવે મુકેશ અંબાણી દુનિયાના 10 સૌથી વધુ અમીર વ્યક્તિની લિસ્ટમાં શામેલ થઈ ગયા છે. મુકેશ અંબાણી હવે વોરેન બફેટથી પણ આગળ નીકળી ગયા છે. વૉરેન બફેટની કુલ સંપત્તિ 67.9 બિલિયન ડૉલર છે. બ્લુમબર્ગના રિપોર્ટ અનુસાર ગુરુવારે મુકેશ અંબાણીએ કુલ સંપત્તિ મામલે વૉરેન બફેટને પીછળ છોડી દીધા છ. મુકેશ અંબાણીની કંપનીના શેરમાં છેલ્લા અમુક દિવસોમાં સતત વધારો જોવા મળી રહ્યો છે.

રિલાયન્સના શેર લૉકડાઉન બાદ થયા બમણા
આ વર્ષે માર્ચ મહિનાથી અત્યાર સુધીની વાત કરીએ તો રિલાયન્સ ઈન્ડસ્ટ્રીઝના શેર લગભગ બમણા થઈ ચૂક્યા છે. રિલાયન્સના ડિજિટલ બિઝનેસમાં 15 બિલિયન ડૉલરનુ રોકાણ આવવાના કારણે તેમની કંપનીના શેરમાં ઘણો વધારો જોવા મળ્યો છે. ફેસબુક, સિલ્વર લેક જેવી કંપનીએ રિલાયન્સમાં 15 બિલિયન ડૉલરનુ રોકાણ કર્યુ. જ્યારે આ સપ્તાહે બીપી પીએલસીએ 1 બિલિયન ડૉલરનુ રોકાણ રિલાયન્સના ફ્યુલ રિટેલ બિઝનેસમાં રોકાણ કર્યુ છે. આના કારણે મુકેશ અંબાણીની સંપત્તિમાં જબરદસ્ત વધારો જોવા મળ્યો છે.

વૉરેન બફેટ, લેરી પેજને છોડ્યા પાછળ
મુકેશ અંબાણી એશિયાના ટાયકૂન બની ગયા છે અને દુનિયાના સૌથી અમીર 10 લોકોની યાદીમાં શામેલ થઈ ગયા છે. મહત્વની વાત એ છે કે વૉરેન બફેટે આ મહિના 2.9 બિલિયન ડૉલરનુ દાન કર્યુ છે જેના કારણે તેમની સંપત્તિમાં ઘટાડો જોવા મળ્યો છે. દુનિયાના સૌથી અમીર 10 લોકોની લિસ્ટમાં મુકેશ અંબાણી એક માત્ર એશિયન છે જે આમાં શામેલ છે. મુકેશ અંબાણી દુનિયાના સૌથી અમીર વ્યક્તિઓની લિસ્ટમાં સાતમાં સ્થાને પહોંચી ગયા છે. મુકેશ અંબાણી વૉરેન બફેટ, ગૂગલના લેરી પેજને પણ પાછળ છોડી દીધા છે.

20 દિવસમં 5 અબજ ડૉલરથી પણ વધી સંપત્તિ
મુકેશ અંબાણીની કુલ સંપત્તિમાં છેલ્લા 20 દિવસમાં 5.4 અબજ ડૉલરનો વધારો થયો છે. 20 જૂને મુકેશ અંબાણી ફૉર્બ્ઝની લિસ્ટમાં દુનિયાના સૌથી અમીર વ્યક્તિઓની લિસ્ટમાં 9માં સ્થાને હતા. એ વખતે તેમની કુલ સંપત્તિ 64.5 અબજ ડૉલર હતી. ત્યારબાદ તેમની કુલ સંપત્તિમાં છેલ્લા 20 દિવસોમાં 5.4 અબજ ડૉલરનો વધારો થયો અને તેમની કુલ સંપત્તિ 12 લાખ કરોડને પાર કરી ગઈ. રિલાયન્સ ઈન્ડસ્ટ્રી ભારતની પહેલી એવી કંપની છે જેનુ માર્કેટ કેપ 12 લાખ કરોડ રૂપિયાને પાર કરી ગઈ છે.
-
ગુજરાત સરકારે અમદાવાદ અને સુરત મેટ્રો માટે 34 ટ્રેનસેટ્સનો ઓર્ડર આપ્યો, જાણો શું છે ખાસિયત -
Gujarat Weather: અંબાલાલ પટેલની મોટી આગાહી, 18થી 25 માર્ચ સુધી ગુજરાતમાં કમોસમી વરસાદની શક્યતા -
ગુજરાતમાં કાળઝાળ ગરમી પડવાની હવામાન વિભાગની આગાહી, જાણો તમારા શહેરમાં કેવો રહેશે માહોલ -
Parliament Today: સંસદમાં વિપક્ષનો સરકાર પર LPG-CNG પ્રહાર, આજે ગૃહમાં કયા મુદ્દાઓ પર થશે ચર્ચા -
Gold Silver Rate Today: ઈરાન યુદ્ધની અસર! ચાંદી ₹13,000 મોંઘી, સોનામાં પણ ઉછાળો, જાણો શું છે લેટેસ્ટ ભાવ -
LPG ગ્રાહકો માટે એલર્ટ! તાત્કાલિક કરાવો e-KYC, નહીં તો કપાઈ જશે ગેસ કનેક્શન, જાણો સ્ટેપ બાય સ્ટેપ પ્રોસેસ -
Amit Shah Speech: અવિશ્વાસ પ્રસ્તાવ પર બોલ્યા ગૃહમંત્રી શાહ, 'સ્પીકર પર આરોપથી દેશની બદનામી' -
રાજ્યમાં હિટવેવ વચ્ચે ગરમીથી રાહત આપતા સમાચાર -
Petrol Diesel Price: 12 માર્ચે બદલાયા પેટ્રોલ-ડીઝલના ભાવ, જાણો તમારા શહેરની લેટેસ્ટ કિંમત -
ઈરાન-ઈઝરાયલ યુદ્ધના કારણે રદ થશે IPL 2026? જંગ વચ્ચે BCCIએ લીધો મોટો નિર્ણય -
Dhurandhar 2 paid preview collection: 'ધુરંધર 2' એ તોડ્યા તમામ રેકોર્ડ, આટલા કરોડ સુધી પહોંચ્યું કલેક્શન -
Parliament Today: સંસદ બજેટ સત્રનો ત્રીજો દિવસ, આજે પણ હંગામાને કારણે ખોરવાઈ શકે છે ગૃહની કાર્યવાહી












Click it and Unblock the Notifications
