આધારમાં હવે નામ અને એડ્રેસ બદલવું મોંઘુ પડશે
આ વખતે UIDAI (યુનિક આઇડેન્ટિફિકેશન ઓફ ઇન્ડિયા) ઘ્વારા સામાન્ય માણસને ઝાટકો આપતા આધારમાં બદલાવ કરવા માટે લગાવવામાં આવતી ફી વધારી દીધી છે.
નવા વર્ષે આધાર સંબંધિત વધુ એક નિયમમાં બદલાવ આવ્યો છે. આ વખતે UIDAI (યુનિક આઇડેન્ટિફિકેશન ઓફ ઇન્ડિયા) ઘ્વારા સામાન્ય માણસને ઝાટકો આપતા આધારમાં બદલાવ કરવા માટે લગાવવામાં આવતી ફી વધારી દીધી છે. મની ભાસ્કર રિપોર્ટ અનુસાર આ વધારેલી ફી 1 જાન્યુઆરી 2019 થી લાગુ થઇ ચુકી છે. આ નિયમ લાગુ થયા પછી સામાન્ય લોકોને આધારમાં સુધારો કરાવવો ખુબ જ મોંઘો પડી શકે છે.
યુનિક આઇડેન્ટિફિકેશન ઓફ ઇન્ડિયા ઘ્વારા જાહેર કરવામાં આવેલા નોટિફિકેશન અનુસાર 1 જાન્યુઆરી 2019 થી આધારમાં થવા જઈ રહેલા બદલાવ માટે આપવામાં આવતી ફી બદલી દેવામાં આવી છે. યુનિક આઇડેન્ટિફિકેશન ઓફ ઇન્ડિયા અનુસાર હવે ઉપભોક્તાઓને દરેક બાયોમેટ્રિક અપડેટ માટે 100 રૂપિયા ફી આપવી પડશે. તેના સિવાય ડેમોગ્રાફિક અને બાયોમેટ્રિક અથવા બંનેમાં સુધારા કરાવવા માટે 50 રૂપિયા ફી આપવી પડશે.
આ પણ વાંચો: Paytm યુઝર્સ માટે ખુશખબર, વૉલેટમાં બેલેન્સ વિના કરી શકો છો 60000 રૂપિયાની ખરીદી
ઈ-કેવાયસી અથવા A-4 સાઈઝ પેપર પર આધાર કલર પ્રિન્ટઆઉટ માટે તમારે વધારાના 30 રૂપિયા આપવા પડશે. યુનિક આઇડેન્ટિફિકેશન ઓફ ઇન્ડિયા અનુસાર તેના કરતા વધારે ફી લેવી ગેરકાનૂની હશે.
આ પણ વાંચો: ચિપ વાળા ATM કાર્ડના ચક્કરમાં ખાતામાંથી નીકળી ગયા લાખ રૂપિયા