નવા બેંક લાયસન્સ અંગે RBIએ કરી સ્પષ્ટતા

મુંબઇ, 4 જૂન : ભારતીય રિઝર્વ બેંકે નવા બેંક લાયસન્સો માટે સોમવારે એક સ્પષ્ટીકરણ જાહેર કર્યું હતું. આરબીઆઇએ જણાવ્યું કે નવી બેંકોની રચના માટે આપવામાં આવેલી સૈદ્ધાંતિક મંજૂરી હવે 18 મહિના સુધી માન્ય ગણાશે. આ પહેલા સૈદ્ધાંતિક મંજૂરીનો સમય એક વર્ષ રાખવાની દરખાસ્ત હતી.

આરબીઆઇએ જણાવ્યું કે નવા લાયસન્સ માટે અરજી કરનારી કંપનીઓમાં જાહેર હિસ્સેદારી ઓછામાં ઓછી 51 ટકા હોવી જરૂરી છે. આ ઉપરાંત તે આરબીઆઇના અન્ય નિયમોનું પાલન કરતી હોવી જોઇએ. કેન્દ્રીય નાણાં મંત્રાલયના સેક્રેટરી રાજીવ ટકરૂના જણાવ્યા મુજબ, દેશમાં નવા બેન્ક લાઈસન્સોની ફાળવણી આવતા વર્ષની 31 માર્ચ સુધીમાં કરવામાં આવશે.

ભારતીય રીઝર્વ બેન્કે કહ્યું છે કે નવી બેન્કો માટેની સૈદ્ધાંતિક મંજૂરીની કાયદેસરતાની મુદત તેણે એક વર્ષથી લંબાવીને દોઢ વર્ષની કરી છે. બેન્કિંગ રેગ્યૂલેટર આરબીઆઈએ એવી સ્પષ્ટતા પણ કરી છે કે અરજીઓ પર વિચારણા કરતી વખતે નોન ફાઈનાન્સિયલ સહિતની તમામ ગ્રુપ કંપનીઓના ટ્રેક રેકોર્ડની ચકાસણી કરવામાં આવશે.

English summary

RBI issue clarification on new bank licenses