1 નવેમ્બરથી આ નિયમો બદલાઈ જશે, જાણી લો નહીં તો નુકસાન ભોગવવું પડશે

1 નવેમ્બરથી થનારા આ મોટા પરિવર્તનો જાણી લો, નહીં તો નુકસાન ભોગવવું પડશે

બેન્કોથી લઈને અન્ય ઘણી બાબતોથી સંબંધિત નવા નિયમોની સીધી અસર તમારા જીવન પર પડશે. 1 નવેમ્બરથી ઘણા બધા નિયમોમાં બદલાવ થવા જઈ રહ્યા છે જે તમને અસર કરી શકે છે. આવી સ્થિતિમાં, તે જાણવું મહત્વપૂર્ણ છે કે એવા કયા બદલાવો છે જે આપણને અસર કરી શકે છે અથવા જેના વિશે સમયસર માહિતી ન મળવા પર આપણે નુકસાન ભોગવવું પડી શકે છે.

ડિજિટલ પેમેન્ટ લેવું ફરજિયાત

1. જો તમે ઉદ્યોગપતિ છો, તો તમને જણાવી દઈએ કે 1 નવેમ્બરથી નાણાં મંત્રાલય ચુકવણી લેવાના નિયમોમાં ફેરફાર કરશે. આ હેઠળ વેપારીઓને ડિજિટલ પેમેન્ટ લેવાનું ફરજિયાત બનાવ્યું છે. આ સિવાય ડિજિટલ પેમેન્ટ માટે ગ્રાહક અથવા વેપારી પાસેથી કોઈ ફી કે વેપારી ડિસ્કાઉન્ટ રેટ લેવામાં આવશે નહીં. સીબીડીટીએ રસ ધરાવતી બેંકો અને પેમેન્ટ સિસ્ટમ પ્રોવાઇડર્સ પાસેથી અરજીઓ મંગાવી છે. નવા નિયમો અનુસાર આ નિયમ ફક્ત 50 કરોડ રૂપિયાથી વધુનું ટર્નઓવર ધરાવતા ઉદ્યોગપતિઓને લાગુ થશે.

એસબીઆઈ ડિપોઝિટની રકમ પરના વ્યાજ દરમાં ફેરફાર કરવા જઈ રહી છે

2. એસબીઆઈના ખાતાધારકોની જાણકારી માટે, જણાવી દઈએ કે ડિપોઝિટની રકમ પરના વ્યાજના દરમાં ફેરફાર થશે. બેંકના આ નિર્ણયની અસર 42 કરોડ ગ્રાહકો પર પાડવાની છે. એસબીઆઈની 9 ઓક્ટોબરની જાહેરાત મુજબ, એક લાખ રૂપિયા સુધીની થાપણો પરના વ્યાજના દર .025 ટકા ઘટાડીને 3.25 ટકા કરવામાં આવ્યા છે, એક લાખથી વધુની થાપણો પરનો વ્યાજ દર રેપો રેટ સાથે જોડવામાં આવ્યો છે, જે હમણાં 3 ટકા.

બેંકો એક જ સમયે ખુલશે

3. તે જ સમયે, મહારાષ્ટ્રમાં પીએસયુ બેંકોનું નવું ટાઇમ ટેબલ નક્કી કરવામાં આવ્યું છે. હવે અહીંની તમામ બેંકો એક જ સમયે ખુલશે અને બંધ થશે. બેંકોનો સમય સવારે 10 થી સાંજના 5 સુધીનો હોય છે. જો કે ટ્રાન્ઝેક્શનનું કામ બપોરના 3.30 સુધી જ થાય છે. મહારાષ્ટ્રમાં બેંકર્સ સમિતિમાં જે ટાઇમ ટેબલ ફાઇનલ કર્યું છે તે 1 નવેમ્બરથી અમલમાં આવશે. નાણાં મંત્રાલયે બેંકોના કામકાજના સમયને એકસમાન કરવાનો નિર્દેશ આપ્યા હતો. અગાઉ, એક જ ક્ષેત્રમાં બેંકોના કાર્યકારી સમયમાં તફાવત હતો. હવે નવા ટાઇમ ટેબલ મુજબ સવારે 9 વાગ્યે બેંકો ખુલશે અને બપોરે 4 વાગ્યા સુધી કામકાજ થશે.

English summary

these rules will change from 1st november, read it in gujarati.