Paytm યુઝર માટે ચેતવણી, KYC માં આ ભૂલ કરી તો બેંક એકાઉન્ટ ખાલી થઇ જશે

પેટીએમના 350 મિલિયન વપરાશકારો માટે મોટા સમાચાર. કંપનીએ તેના ગ્રાહકોને એલર્ટ કર્યા છે. પેટીએમએ તેના ગ્રાહકોને ચેતવણી આપી છે કે કેવાયસી સમયે ભૂલ ન કરો.

Updated: Tuesday, August 20, 2019, 13:03 [IST]

પેટીએમના 350 મિલિયન વપરાશકારો માટે મોટા સમાચાર. કંપનીએ તેના ગ્રાહકોને એલર્ટ કર્યા છે. પેટીએમએ તેના ગ્રાહકોને ચેતવણી આપી છે કે કેવાયસી સમયે ભૂલ ન કરો. કેવાયસી દરમિયાન થયેલી ભૂલ ગ્રાહકોનું બેંક ખાતું ખાલી કરી શકે છે. પેટીએમએ ગ્રાહકોને એલર્ટ કરતા કહ્યું છે કે જો તેઓ કેવાયસીના ચક્કરમાં કોઈ એપ ડાઉનલોડ કરી, તો હેકર્સ તેની સહાયથી તમારું બેંક એકાઉન્ટ ખાલી કરી શકે છે. પેટીએમએ ગ્રાહકોને ચેતવણી આપી છે, તેઓને તેમના ફોનમાંથી તાત્કાલિક એપ્લિકેશન અનઇન્સ્ટોલ કરવા માટે કહ્યું છે.

Paytm વપરાશકર્તાઓ KYC કરાવતી વખતે રહો એલર્ટ

દેશની સૌથી મોટી મોબાઇલ વોલેટ કંપની પેટીએમે તેના ગ્રાહકોને કેવાયસી દરમિયાન એલર્ટ રહેવાની સલાહ આપી છે. પેટીએમએ કહ્યું છે કે ખાતાનું કેવાયસી કરાવતી વખતે એલર્ટ રહેવાની જરૂર છે. પેટીએમએ એક જાહેરનામું બહાર પાડ્યું છે જે વપરાશકર્તાઓને કેવાયસી માટે એનીડેસ્ક અને ક્વિકસ પોર્ટ જેવી એપ્લિકેશનો ડાઉનલોડ નહીં કરવાની સલાહ આપી છે. પેટીએમએ વપરાશકર્તાઓને ફક્ત પેટીએમ એક્ઝિક્યુટિવ્સ દ્વારા જ કેવાયસી પૂર્ણ કરવાની સલાહ આપી છે, નહીં તો તેમની ભૂલને કારણે તેમનું બેંક એકાઉન્ટ ખાલી થઇ શકે છે.

બેંક ખાતું ખાલી થઇ શકે છે

જો તમે પેટીએમના કેવાયસી માટે આ રિમોટ એપ્લિકેશનો ડાઉનલોડ કરો છો, તો પછી કંપનીની સૂચનાઓ જાણવાનું ભૂલશો નહીં. પેટીએમએ તેની સૂચનામાં કહ્યું છે કે જો તમે કેવાયસી કરાવવા માટે આવી એપનો ઉપયોગ કરો છો, તો છેતરપિંડી કરનાર તમારું ખાતું ખાલી કરી શકે છે. કંપનીએ સ્પષ્ટ કહ્યું છે કે એની ડેસ્ક અને ટીમ વ્યૂઅર રિમોટ એપ દ્વારા આવા છેતરપિંડીના કેસ સામે આવી ચુક્યા છે.

કેવી રીતે થાય છે છેતરપિંડી

લોકોને કેવાયસી માટે રિમોટ એપ્લિકેશન ડાઉનલોડ કરવાનું કહેવામાં આવે છે. આ એપ્લિકેશન ડાઉનલોડ થતાંની સાથે જ ગ્રાહકોને ચકાસણી માટે 9 અંકનો કોડ માંગવામાં આવે છે. આ કોડ આપતાની સાથે જ, હેકરો તમારી સિસ્ટમનો સંપૂર્ણ ઍક્સેસ પ્રાપ્ત કરી લે છે. એકવાર ફોનનો એક્સેસ મેળવ્યા પછી, તે સરળતાથી તમારા ફોન માંથી તમારી બેંક ખાતાની માહિતી ચોરી લે છે. તમે યુપીઆઈ દ્વારા મોબાઇલ બેંકિંગ, પેટીએમ અથવા અન્ય મોબાઇલ વોલેટથી ચુકવણી દરમિયાન હેકર્સ પાસે તમારા એકાઉન્ટ વિશેની માહિતી પહોંચી જાય છે. આવું થતાં જ, તમારું બેંક એકાઉન્ટ મિનિટોમાં જ ખાલી થઈ જાય છે.

આ પણ વાંચો: દુનિયાની સૌથી અમીર પરિવારને મળ્યા? દર મીનિટે કમાય છે 50 લાખ રૂપિયા!