70 વર્ષના પતિ-પત્નીએ ચાની દુકાન ચલાવી 23 દેશો ફર્યા

કેરળના કોચીમાં રહેતા વિજયન અને તેમની પત્ની મોહના અત્યારસુધીમાં દુનિયાના 23 દેશો ફરી ચુક્યા છે. સૌથી ખાસ બાબત છે કે વિજયન અને તેમની પત્ની કોચીમાં એક નાની ચાની દુકાન ચલાવે છે પરંતુ તેમની આ હાલત તેમના સપનાને આડે નથી આવતી. તેમને ચાની દુકાન ચલાવતાની સાથે સાથે પૈસા ભેગા કરીને તેમને અત્યારસુધીમાં 23 જેટલા દેશો ફરી લીધા છે.

આ પણ વાંચો: આશ્ચર્યચકિત કરી દેશે જયપુરના આ રાજાની જીવનશૈલી, ફક્ત 20 વર્ષની વયે છે 20 હજાર કરોડનો વારસદાર

They may not figure in the Forbes Rich list but in my view, they are amongst the richest people in our country.Their wealth is their attitude to life. The next time I’m in their town I am definitely dropping by for tea & a tour of their exhibits.. pic.twitter.com/PPePvwtRQs

— anand mahindra (@anandmahindra) January 9, 2019

આનંદ મહિન્દ્રાએ કહ્યું કે દેશનો સૌથી અમીર વ્યક્તિ

આનંદ મહિન્દ્રાએ પોતાના ટ્વિટર એકાઉન્ટ પર આ વીડિયો શેર કર્યો છે. તેમને લખ્યું કે ફોર્બ્સ અમીર લોકોની લિસ્ટમાં આ લોકો શામિલ નથી. પરંતુ હકીકતમાં આ અમારા દેશના સૌથી અમીર વ્યક્તિ છે. તેમની કમાણી તેમનો જીવન જીવવાનો અંદાઝ છે. હવે જયારે પણ હું તેમના શહેર જઈશ ત્યારે તેમની બનાવેલી ચા પીવા ચોક્કસ જઈશ.

1963 થી ચાઇ વેચી રહ્યા છે

વિજયને 1963 દરમિયાન એક નાની દુકાનમાં ચા વેચવાનું કામ ચાલુ કર્યું હતું. ધીરે ધીરે તેમની ચા લોકો પસંદ કરવા લાગ્યા અને આજુબાજુના લોકો તેમને ઓળખવા લાગ્યા. વિજયને પોતાના કામથી જે પૈસા બચતા તેનાથી તેને ફક્ત ફરવાનું કામ કર્યું. તેમને એક-એક કરીને અલગ અલગ દેશોમાં ફરવાનું કામ કર્યું અને છેલ્લા 55-56 વર્ષમાં તેઓ 23 દેશો ફરી ચુક્યા છે. પરંતુ હજુ સુધી તેમનું દુનિયા ફરવાનું ઝનૂન પૂરું નથી થયું. તેઓ હજુ પણ તમામ એવા દેશોમાં ફરવા માંગે છે, જ્યાં તેઓ નથી જઈ શક્યા.

ચાની દુકાનથી જે કમાય છે તેનાથી તેઓ ફરે છે

વિજયન અને મોહના બંને 70 વર્ષના છે. બંનેના લગ્ન થયા ત્યારે બંનેનું સપનું વિદેશ ફરવાનું હતું. જેને તેમને પૂરું કરવાનું નક્કી કર્યું અને આજે પણ તેઓ તે સપનું જીવી રહ્યા છે. વિજયને કહ્યું કે તેઓ રોજ 500 રૂપિયા બચાવે છે તેઓ આ પૈસા ભેગા કરે છે અને તેનાથી નવા દેશ ફરવાનો પ્લાન બનાવે છે.

English summary

kochi couple Vijayan and mohana travel 23 countries of world by selling tea