અનોખી પ્રથા : અહીં છોકરાઓને મોકલવામાં આવે છે સાસરે
ભ્રૃણહત્યા રોકવા માટે તથા સમાજમાં છોકરીઓને છોકરા સમાન અધિકાર અપાવવાના ઉદ્દેશ્યથી ડેરા સચ્ચા સોદા દ્રારા 73મા માનવતા ભલાઇ કાર્યના રૂપમાં 'કુલનું ક્રાઉન' ઝુંબેશ ચલાવવામાં આવી રહી છે. આ મુજબ શનિવારે જાન લઇને પહોંચનાર સિરસા નિવાસી તુલસી ઇન્સા રવિવારે પોતાના વરરાજા પવન ઇન્સાં સાથે પોતાના પિયર પહોંચી હતી. નવપરણિત યુવક-યુવતિની સાથે પરિવારજનો અને સંબંધીઓની સાથે સાથે કોલોનીવાસીઓ પણ તેમનું જોરદાર સ્વાગત કર્યું હતું. પરિવારજનોએ વરરાજાનું પરંપરાગત રિત-રીવાજ મુજબ ગૃહ પ્રવેશ કરાયો હતો.
આ પ્રમાણે પાણીપતની સુરૂચિ પણ ડેરા સચ્ચાની ઝુંબેશ હેઠળ વરરાજાને સિરસાથી લગ્ન કરીને પાણીપત લાવી છે. શ્રી પ્રેમ મંદિર પાસે રહેનાર સુરૂચિ પોતાના માતા-પિતાની એક માત્ર સંતાન છે અને બીકોમના બીજા વર્ષમાં ભણે છે. શનિવારે સુરૂચિ જાન લઇને ગઇ અને ડેરા સચ્ચા સોદામાં સિરસાના નિજીયા ખેડા નિવાસી રાજવીર સાથે લગ્ન કર્યા. પરંપરા અનુસાર કન્યા પહેલાં વરમાળા નાખે છે પરંતુ રાજવીરે પહેલાં કન્યાને વરમાળા પહેરાવી હતી. સુરૂચિની માતા સુનીતાનું કહેવું છે કે તે રાજવીરને પોતાના પુત્રની જેમ રાખશે.