ગરમીમાં ડિહાઇડ્રેશનથી બચવા માટે આટલું ચોક્કસ કરો

Updated: Tuesday, June 2, 2015, 16:38 [IST]

[લાઇફસ્ટાઇલ] હાલમાં દેશમાં ગરમીનો પારો 45 ડિગ્રીને પાર થઇ રહ્યો છે, જેના કારણે લોકો લૂ લાગવા અને ડિહાઇડ્રેશનનો શિકાર થઇ રહ્યા છે. એવામાં વિશેષજ્ઞોની સલાહ છે કે પોતાની ખાવાપીવાની આદતો પર વિશેષ ધ્યાન આપો, જેથી કાળજાળ ગરમીમાં પણ શરીરમાં ઇમ્યુનિટી બની રહે.

ન્યૂટ્રિશિયન અંકિતા મેહરા કહે છે કે ગર્મીઓમાં માનવ શરીરમાંથી પ્રસ્વેદ વધારે નિકળવાને કારણે ઇલેક્ટ્રોલાઇટનુ પ્રમાણ અસંતુલિત થઇ જાય છે. એટલા માટે ભોજન પહેલા ફળ અને શાકભાજીની તાસીર જાણી લેવી જરૂરી છે. જો આ આવતનું ધ્યાન રાખવામાં નહીં આવ્યું તો ગરમ ફળોના સેવનથી આપના શરીરમાં વિભિન્ન બીમારીઓ થઇ શકે છે.

અંકિતાનું કહેવું છે કે વર્કિંગ લોકો માટે રોગ પ્રતિકારક ક્ષમતા વધારી રાખવી જરૂરી છે, કારણ કે તેમણે દિવસભર બહારના માહોલમાં રહેવાનું છે. તેમણે જણાવ્યું કે તેમને ધ્યાનમા રાખતા લોકોએ ગરમીમાં દૂધ, તમામ પ્રકારના ફ્રૂટશેક્સ, જ્યૂસ, ફળ, સ્પ્રાઉટ્સ, ઓટ્સ, પૌઆ વગેરેનો આહાર લેવો જોઇએ.

જ્યારે લંચમાં દાળને પ્રમુખતાથી સામેલ કરવી જોઇએ. આની સાથે જ આપ તેમાં સીઝનલ લીલા પાનવાળી શાકભાજી જેમકે, બીંસ વગેરે બે અથવા ત્રણ ચપાતી અને ભરપૂર સલાડ લો.

તેમણે જણાવ્યું કે ડિનરમાં એ વાતનું ધ્યાન રાખવામાં આવે કે રાત્રે ભારે અને વધારે ખાવાનું ના ખાવ. રાત્રે ખાવામાં રેસેદાર શાકભાજી, બે ચપાતી અને સલાડ લઇ શકો છો. જો રોટલી ખાવાનું મન ના હોય તો આપ ખીચડી ખાઇ શકો છો.