આમિર ખાનની આ મોટી ફિલ્મમાં સાઉથના સુપરસ્ટાર વિજય સેતુપતિ જોવા મળશે

રિપોર્ટ્સ અનુસાર, આમિર ખાનની ફિલ્મ 'લાલ સિંહ ચડ્ડા'માં સાઉથના સુપરસ્ટાર વિજય સેતુપતિ પણ જોવા મળશે. વિજય ફિલ્મમાં આમિરના મિત્રની ભૂમિકા નિભાવવા જઇ રહ્યો છે.

Updated: Friday, August 23, 2019, 15:06 [IST]

રિપોર્ટ્સ અનુસાર, આમિર ખાનની ફિલ્મ 'લાલ સિંહ ચડ્ડા'માં સાઉથના સુપરસ્ટાર વિજય સેતુપતિ પણ જોવા મળશે. વિજય ફિલ્મમાં આમિરના મિત્રની ભૂમિકા નિભાવવા જઇ રહ્યા છે. એક અઠવાડિયા પહેલા મેલબર્નના ભારતીય ફિલ્મ મહોત્સવમાં (આઈએફએફએમ) વિજય અને આમિરની સાથે કામ કરવાની જાહેરાત કરવામાં આવી હતી. ખાસ વાત છે કે વિજય આ ફિલ્મથી બોલિવૂડમાં ડેબ્યૂ કરવા જઇ રહ્યા છે. ફિલ્મમાં આમિર ખાનની સાથે કરીના કપૂર ખાન પણ જોવા મળશે.

તમને જણાવી દઈએ કે, આ હોલીવુડ ફિલ્મ ફોરેસ્ટ ગંપની હિન્દી રિમેક હશે. ફિલ્મના નિર્દેશક અદ્વૈત ચંદન હશે, જેમણે 'સિક્રેટ સુપરસ્ટાર' નિર્દેશિત કરી હતી. ફિલ્મના પ્રોડ્યુસર આમિર ખાન અને વોયોકોમ 18 છે. આ ફિલ્મ 2020 દિવાળી પર રિલીઝ થશે.

વિજય સેતુપતિ

અહેવાલો અનુસાર, વિજય સેતુપતિના કિરદારને નિર્માતાઓ તમિલ વ્યક્તિના બેકગ્રાઉન્ડમાં બતાવવાની તૈયારી કરી રહ્યા છે. આ કિરદાર ફિલ્મનો મહત્વનો ભાગ હશે.

શૂટિંગ સપ્ટેમ્બરથી શરૂ થશે

આમિર ખાને ફિલ્મ 'લાલ સિંહ ચડ્ડા' પર વાત કરતા કહ્યું કે, અમે આ ફિલ્મના રાઇટ્સ ખરીદી લીધી છે અને હવે અમે તેના પર કામ કરવાનું શરૂ કરી દીધું છે. હું આ ફિલ્મમાં એક પંજાબી પાત્ર ભજવીશ.. આ સાથે મારે 20 કિલો વજન ઓછું કરવાનું. મેં તૈયારીઓ શરૂ કરી દીધી છે. આ ફિલ્મ સપ્ટેમ્બર 2019 માં ફ્લોર પર આવી જશે, જ્યારે તે 2020 માં રિલીઝ થશે.

આમિર ઉત્સાહિત છે

આમિરે કહ્યું, ફોરેસ્ટ ગંપ મારા માટે હંમેશા સારી ફિલ્મ રહી છે. આખા પરિવાર સાથે બેસીને જોવા માટેની આ ફિલ્મ છે. અત્યારે અમે ફિલ્મમાં મારો લુક કેવો રહેશે તેના પર ધ્યાન કેન્દ્રિત કરી રહ્યા છીએ. અમે બધા આ ફિલ્મ અંગે ખૂબ જ ઉત્સાહિત છીએ.

ફોરેસ્ટ ગંપ

ફોરેસ્ટ ગંપ 1994 માં આવેલી હોલીવુડની રોમેન્ટિક-કોમેડી ડ્રામા છે. ફોરેસ્ટ ગંપ તે વર્ષની શ્રેષ્ઠ હોલીવુડ ફિલ્મ હતી. એટલું જ નહીં, ફિલ્મે તે વર્ષે બેસ્ટ એક્ટરનો એવોર્ડ સહિત 6 ઓસ્કાર એવોર્ડ મેળવ્યા હતા.