જયા-માધુરીની લચ્છૂ મહારાજ પુરસ્કાર માટે પસંદગી

મુંબઈ, 23 ઑગસ્ટ : રાજ્યસભાના સાંસદ તથા ફિલ્મ અભિનેત્રી જયા બચ્ચન અને અભિનેત્રી માધુરી દીક્ષિતને પ્રતિષ્ઠિત લચ્છૂ મહારાજ પુરસ્કાર વડે સન્માનવામાં આવશે. આયોજક શકુંતલા નીરૂજ સંસ્થાને આ જાહેરાત કરી છે.

સંસ્થાના નિયામક કુમકુમ આદર્શે જણાવ્યું કે જયા બચ્ચનને 2012 તથા માધુરીને 2013 માટે આ સન્માન આપવામાં આવશે. આ ઍવૉર્ડ કથક સમ્રાટ લચ્છૂ મહારાજની યાદમાં આપવામાં આવે છે કે જેમનું નિદન 1978માં થયુ હતું. અગાઉ આ પુરસ્કાર વડે આશા પારેખ, કુમકુમ, શ્રીદેવી, જયા પ્રદા તથા રેખા સન્માનિત થઈ ચુક્યાં છે. લખનઉના કથક ઘરાનાનું પ્રતિનિધિત્વ કરતાં અને લચ્છૂ મહારાજના ભત્રીજા બિરજૂ મહારાજ પણ આ ઍવૉર્ડ પામી ચુક્યાં છે.

લચ્છૂ મહારાજે 1972માં એક નજર ફિલ્મમાં જયા બચ્ચનના ગીતનું નૃત્ય દિગ્દર્શન કર્યુ હતું. અગાઉ આ પુરસ્કાર તેમની જન્મ જયંતીએ 1લી સપ્ટેમ્બરના રોજ અપાતુ હતું. અધિકારીઓએ જણાવ્યું કે જયા બચ્ચન અને માધુરી દીક્ષિત 1લી સપ્ટેમ્બરે ઉપલબ્ધ નથી. તેથી આ વખતે પુરસ્કાર વિતરણ સમારંભની તારીખ હજી નક્કી નથી થઈ.

English summary

Film actress and Rajya Sabha member Jaya Bachchan, along with actress Madhuri Dixit, will be getting the prestigious Lacchu Maharaj award this year. An announcement to this effect was made by the organisers, Shakuntala Neeruj Sansthan.