ગૌહર બની બિગ બોસ 7ની વિજેતા, માતા અને બહેન પહોંચ્યા લોનાવાલા!

બિગ બોસ 7ની વિજેતાના નામ પરથી આખરે પડદો હટી ગયો છે અને ગૌહર ખાનને બિગ બોસ 7ની વિજેતા જાહેર કરી દેવામાં આવી છે. ગૌહર ખાનની જીતને લઇને દર્શકો ઘણા જ ખુશ છે અને સતત સોશિયલ નેટવર્કિંગ સાઇટ્સ પર પોતાની ખુશી જાહેર કરી રહ્યાં છે. બિગ બોસ 7ની પ્રતિભાગી શિલ્પા અગ્નિહોત્રીએ પણ ટ્વીટ કરીને કહ્યું છે કે, ગૌહર જ બિગ બોસ 7ની વિજેતા છે. ગૌહર ખાનની માતા અને તેમની બહેન નિગાર ખાન પણ લોનાવાલા પહોંચી ગઇ છે અને ગૌહરની જીત પર તેને શુભેચ્છા પાઠવવા અને તેનો સાથ આપવા તૈયાર છે. તનીષા મુખરજી અને એઝાઝ પહેલા જ બહાર આવીને મીડિયા સાથે પોતાના બિગ બોસ સફરની યાદો આપીને ગયા છે.

બિગ બોસ 7માં પોતાના સ્ટ્રોંગ વર્તનના કારણે ગૌહર ખાન દર્શકોમાં ખાસ કરીને યુવતીઓની ફેવરિટ રહી છે. ગૌહર ખાનને તનીષા મુખરજીની જેમ પ્રેમમાં પડીને કોઇના હાથનું રમકડું બનવું સ્વિકાર નહોતું. ગૌહર હંમેશા પોતાનું સ્ટેન્ડ લીધું અને સાથે જ તેણે હંમેશા મહિલાઓને લઇને કઇપણ ખોટું કહેનારાઓને જવાબ આપ્યો છે. જ્ચારે પણ શો દરમિયાન સલમાન ખાને ગૌહર અને કુશાલને લઇને કઇપણ કહ્યું તો ત્યારબાદ દર્શકોએ ગૌહરને સપોર્ટ કર્યો અને કહ્યું કે સલમાન ખાને આવું નહોતું કરવું જોઇતુ. ગૌહરને દર્શકો તરફથી ઘણો પ્રેમ અને સપોર્ટ મળ્યો છે.

લોકોએ સંગ્રામ સિંહ પણ બિગ બોસ જીતશે તેવા કયાસ લગાવ્યાહતા, પરંતુ ગૌહર ખાનના ચાહકોએ ગૌહરને વિજેતા બનાવવા માટે સતત વોટ્સ પણ આપ્યા. ગૌહર વિજેતા બન્યા બાદ આ ત્રીજી સિઝન છે કે જેમાં બિગ બોસમાં કોઇ મહિલા વિજેતા બની છે. ગૌહ ખાન જીતવાથી સલમાન પણ ઘણો ખુશ છે, કારણ કે ગૌહર સલમાનની નજીક રહી છે અને બિગ બોસમાં ગૌહરના આવવા પાછળ પણ સલમાન ખાનનો હાથ જણાવવામાં આવી રહ્યો છે.

English summary

Gauhar Khan wins Bigg Boss 7. Bigg Boss 7 4 finalsit were Tanisha Mukherjee, Sangram, Ajaz and Gauhar Khan. Gauhar got more than 20 Lacs votes and won the Bigg Boss 7 season.