ચાર કરોડ રુપિયા લઈ બિગ બૉસમાં પ્રવેશ કરશે સિદ્ધૂ
મુંબઈ, 4 ઑક્ટોબર : બિગ બૉસ 6ની શરુઆત 7મી ઑક્ટોબરથી કલર્સ પર થવાની છે. તેના પ્રતિસ્પર્ધીઓ અંગે સતત અટકળો લગાવવામાં આવી રહી છે.
સમાચાર છે કે ભૂતપૂર્વ ક્રિકેટર અને લાફ્ટર મૅજિશિયન નવજ્યોત સિંહ સિદ્ધૂ બિગ બૉસના ઘરમાં પ્રવેશ કરનાર છે. આ માટે તેમણે શો સંચાલકો પાસેથી 4 કરોડ રુપિયા લીધાં છે. પરંતુ આ વાતમાં કેટલું તથ્ય છે તે તો 7મી તારીખે જ ખબર પડશે.
ગત સીઝનમાં પણ કહેવાઈ રહ્યુ હતું કે સિદ્ધૂ બિગ બૉસના ઘરે જઈ શકે છે, પરંતુ ગત વખતે તેમને પોતાના પક્ષ ભાજપ તરફથી મંજૂરી મળી નહોતી, પરંતુ આ વખતે ટ્વેંટી-20 વિશ્વ કપના કૉમેન્ટરી બૉક્સ તેમજ કોઈ પણ ન્યુઝ ચૅનલ પર એક્સપર્ટ એડવાઇઝર તરીકે નવજ્યોત સિંહ સિદ્ધૂ દેખાયા નથી. તેથી આ વાતે જોર પકડ્યું છે કે આ વખતે તો જરૂર સિદ્ધૂ બિગ બૉસ હાઉસમાં જનારાં છે કારણ કે ભાજપે પહેલાં જ કહી રાખ્યું છે કે તેમના કોઈ પણ સભ્યને કોઈ પણ મંચ ઉપર જતા રોકી શકાતાં નથી. રોકવાનું કામ ત્યારે જ થાય જ્યારે તે મંચ અનૈતિક હોય અને બિગ બૉસ ટેલીવિઝન પર આવનાર શો છે. તેવામાં તે અનૈતિક નથી અને જો સિદ્ધૂ આ શોમાં રસ ધરાવતાં હોય તો તેઓ જઈ શક છે.