અમદાવાદ પોલીસે 50થી વધુ જુગારીઓ અને દારૂડિયાઓની ધરપકડ કરી

અમદાવાદઃ જન્માષ્ટમી નજીક આવતી હોય શહેરભરમાં જુગાર ધામ જુગારીઓથી ધમધમી રહ્યા છે. અમદાવાદ પોલીસે 11 વ્યક્તિઓની ધરપકડ કરી કુલ 21,010 રૂપિયાનો મુદ્દામાલ સહિત જુગારના સાધનો જપ્ત કર્યાં છે. આ મામલે આગળની કાર્યવાહી હાથ ધરવામાં આવી છે. બીજી તરફ ગુજરાત ડ્રાય સ્ટેટ હોવા છતાં અમદાવાદમાં બુટલેગરોને જાણે પોલીસનો ખોફ ન હોય તેમ કોઈના પણ ડર વિના દારૂ વેચી રહ્યા છે. બુટલેગરો પર અવારનવાર તવાઈ બોલાવતી અમદાવાદ પોલીસે આ વખતે નશાબંધી ધારા હેઠળ દારૂડિયાઓને પકડ્યા છે.

તકેદારી પગલાં હેઠળ ધરપકડ

અમદાવાદ શહેર પોલીસે તકેદારીના પગલ હેઠળ CRPC 107, 109, 110, 151 મુજબ કુલ 134 વ્યક્તિઓની અટકાયત કરી હતી. તેમજ પ્રોહી મુજબ 5 વ્યક્તિઓની અને પાસા હેઠળ કુલ 4 વ્યક્તિઓની અટકાયત કરી હતી.આ ઉપરાંત અમદાવાદ શહેર પોલીસે નશાબંધી ધારા હેઠળ 37 કેસ કરી 41 વ્યક્તિઓની ધરપકડ કરી છે. સાથે જ 114 લીટર દેશી દારૂ, 75 બોટલ ઈંગ્લિશ દારૂ, 4 બિયર ટીન, 1 કાર અને 1 મોટરસઈકલ કબ્જે કર્યાં છે.

આ પણ વાંચો- ઉન્નાવ રેપ પીડિતાને દિલ્હી એરલિફ્ટ કરવા પર 5 ઓગસ્ટે સુપ્રીમમાં સુનાવણી થશે

English summary

Ahmedabad police arrested more than 50 gamblers and drunkards