શું કોઇ આ દિવ્યાંગ શૂટરની મદદ કરશે? કે પછી તેના સપનાં અધૂરા રહેશે
વડોદરાના દિવ્યાંગ શૂટરની મુશ્કેલી, વર્લ્ડ કપ પેરા શૂટિંગની સ્પર્ધામાં ભાગ લેવાનો અવસર તો મળ્યો પણ આર્થિક તંગીના કારણે તે તેમના સપનાને સાકાર કરવામાં અક્ષમ છે. શું કોઇ તેમની મદદ કરશે?
વડોદરામાં રહેલા દિવ્યાંગ ઇલીયાસ વ્હોરાની 18મી ફેબ્રુઆરીએ યુનાઇટેડ આરબ અમીરાતમાં થનારી પેરા શૂટિંગ વર્લ્ડ કપ સ્પર્ધામાં પસંદગી કરાઇ છે. દેશના 10 પેરા શૂટર્સમાંથી ગુજરાતમાંથી ખાલી ઇલીયાસ ભાઇની જ પસંદગી થઇ છે. નોંધનીય છે કે દિવ્યાંગ શૂટર ઇલીયાસ વ્હોરાએ અત્યાર સુધીમાં રાષ્ટ્રીય સ્તરની 2 સ્પર્ધામાં ગોલ્ડ મેડલ મળી ચૂક્યા છે. ત્યારે એક બાજુ જ્યાં પેરા શૂટિંગ વર્લ્ડ કપમાં ભાગ લેવાનો અવસર મળવાની વાતે ઇલીયાસભાઇ ખુશ છે ત્યાં જ હકીકત તે પણ છે કે તેમને આ સ્પર્ધામાં ભાગ લેવા માટે જે આર્થિક મદદની જરૂર છે તે માટે તેમની મદદ કરવા માટે કોઇ નથી.
Vadodara:"Will have to withdraw if not financially helped"says Iliyas Vohra,shooter from Gujarat selected for Para Shooting World Cup in UAE pic.twitter.com/PDH2dx9vmh
— ANI (@ANI_news) February 6, 2017
ઇલીયાસભાઇએ આ અંગે ગુજરાત સરકારની પણ મદદ માંગી છે. અને પ્રચાર માધ્યમોમાં પણ તેમને આ અંગે સહાક કરવાની વાત જણાવી છે. પણ તેમ છતાં સરકાર કે અન્ય કોઇ સંગઠન દ્વારા તેમને હજી સુધી કોઇ મદદ નથી પહોંચી. ત્યારે જો યોગ્ય સમય તેમને મદદ નહીં મળે તો ઇલીયાસભાઇને તેમના સપનાંને અધૂરા છોડવાનો જ વારો આવશે તેવું તેમણે જણાવ્યું હતું. ત્યારે શું ગુજરાત સરકાર કે કોઇ અન્ય સંસ્થા વડોદરાના છાણી જકાત નાકા તરુણ નગર સોસાયટીમાં રહેતા દિવ્યાંગ ઇલીયાસભાઇની મદદ માટે આગળ આવશે?
Vadodara: Can't bear such heavy expenditure. Had sought help from Gujarat Govt no help extended yet says Iliyas Vohra pic.twitter.com/4JVrQV1vIK
— ANI (@ANI_news) February 6, 2017