હાર્દિકને મળ્યા પૂર્વ IPS અધિકારી સંજીવ ભટ્ટ, પોલીસથી જતાવી નારાજગી

Updated: Wednesday, August 29, 2018, 15:06 [IST]

પાસ કન્વીનર હાર્દિક પટેલે છેલ્લા 5 દિવસથી અનિશ્ચિત કાળ સુધીના અમરણાંત ઉપવાસ શરૂ કર્યા છે. ખેડૂતોના દેવાં માફી અને અનામતની માંગણી સાથે હાર્દિકના આ આંદોલનમાં કેટલાય લોકો જોડાયા છે. ગુજરાતમાંથી જ નહીં પણ રાજસ્થાન અને મધ્ય પ્રદેશમાંથી પણ લોકો હાર્દિકને મળવા માટે આવી રહ્યા છે. આજે જ મધ્ય પ્રદેશના ખેડૂતો હાર્દિકને મળવા માટે આવ્યા હતા.

હાર્દિકને મળવા આવ્યા સંજીવ ભટ્ટ

ગુજરાતના પૂર્વ આઈપીએસ અધિકારી સંજીવ ભટ્ટે પણ આજે હાર્દિક પટેલની મુલાકાત લીધી હતી. આ અંગે ટ્વીટ કરી ખુદ હાર્દિક પટેલે માહિતી આપી હતી. પોતાના ટ્વિટમાં હાર્દિક પટેલે લખ્યું હતું કે "અનિશ્ચિતકાલીન ઉપવાસ આંદોલનના પાંચમા દિવસે પૂર્વ આઈપીએસ અધિકારી સંજીવભટ્ટ છાવણીમાં ઉપસ્થિત રહ્યા. સંજીવ ભટ્ટે કહ્યું કે પોલીસ પોતાની ઈમાનદારી અને ફરજ ભૂલી રહી છે. ગુજરાતની પોલીસે જનતાનો ભરોસો તોડ્યો છે." આ પણ વાંચો-રામોલ તોડફોડ કેસમાં સેશન્સ કોર્ટે હાર્દિકને આપી મોટી રાહત

उपवास आंदोलन के चौथे दिन समर्थन देने म॰प्र और राजस्थान से लगभग हज़ारों की तादाद में किसान आए लेकिन छावनी पर सिर्फ़ २० किसानों को ही आने दिया।किसानों को धमकाया जाता है और लाठीचार्ज भी किया।गुजरात की पुलिस पूरी तरह से निर्दय बन गई हैं।आंदोलन को रोकने के लिए सब ताक़त लग गई हैं। pic.twitter.com/ppDdyR5hii
— Hardik Patel (@HardikPatel_) August 28, 2018

હાર્દિકે લગાવ્યો હતો આરોપ

હાર્દિક પટેલે ગતરોજ એક ટ્વિટ કરીને પોલીસ પર આરોપ લગાવ્યો હતો કે રાજસ્થાન અને મધ્ય પ્રદેશથી તેને મળવા માટે હજારોની સંખ્યામાં ખેડૂતો અમદાવાદ આવ્યા હતા પણ તેમાંથી માત્ર 20 ખેડૂતોને જ હાર્દિક સાથે મળવા દેવામાં આવ્યા હતા. બાકીના તમામ ખેડૂતોને પોલીસે છાવણીની અંદર આવતાં અટકાવ્યા હતા.

किसानों की क़र्ज़ा माफ़ी और आरक्षण को लेकर अनिच्छितक़ालीन उपवास आंदोलन के चौथे दिन @NCPspeaks के वरिष्ठ नेता और भारत सरकार पूर्व मंत्री एवं वर्तमान सांसद @praful_patel उपस्थित रहें और हमारी माँगो का संपूर्ण समर्थन किया,बड़े दुःख के साथ @praful_patel ने कहा कि मुझे भी रोका गया। pic.twitter.com/AdtvTHjm9a
— Hardik Patel (@HardikPatel_) August 28, 2018

કોંગ્રેસે આપ્યો ટેકો

હાર્દિકે ઉપવાસ શરૂ કર્યો ત્યારથી જ કોંગ્રેસે તો હાર્દિકને પૂરું સમર્થન આપી જ દીધું છે. અપક્ષ ધારાસભ્ય જીજ્ઞેશ મેવાણી પણ હાર્દિક પટેલને મળ્યો હતો. ત્યારે 27મી તારીખે કોંગ્રેસના વરિષ્ઠ નેતા અને ભારત સરકારના પૂર્વ મંત્રી તથા વર્તમાન સાંસદ પ્રફુલ પટેલ પણ હાર્દિકને મળવા ગયા હતા. હાર્દિકે જણાવ્યા મુજબ પ્રફુલ પટેલે કહ્યું હતું કે પોલીસે તેમને પણ અટકાવ્યા હતા. આ પણ વાંચો-ઉપવાસ ન સમેટે તો હાર્દિકને થઈ શકે યૂરિન ઈન્ફેક્શનઃ ડૉક્ટર