Video: હાર્દિક પટેલ પર સુરતમાં 12 લાખ રૂપિયા ઉડાડવામાં આવ્યા!
સુરતમાં પાટીદાર યુવા સંગઠન દ્વારા એક ડાયરો આયોજીત કરવામાં આવ્યો હતો. જેમાં પાટીદાર અનામત આંદોલન માટે પટેલોને આર્થિક મદદ કરવાની અપીલ કરવામાં આવી હતી. આ લોક ડાયરામાં પાટીદારો માટે અનામત આંદોલન ચલાવતા હાર્દિક પટેલ પણ હાજરી આપી હતી. ત્યારે હાર્દિક પટેલ જ્યારે સ્ટેજ પર પહોંચ્યો ત્યારે લોકોએ તેની પર રૂપિયાની વર્ષા કરી દીધી.
નોંધનીય છે કે આ લોક ડાયરામાં દસ હજારથી વધુ લોકોએ હાજરી આપી હતી. અને આ ડાયરા દ્વારા પાટીદાર અનામત આંદોલન માટે 12 લાખ રૂપિયા જેટલી રકમ એકત્રિત કરવામાં આવી હતી.
જો કે આ ડાયરા બાદ સરકાર તરફથી પણ પાટીદારોને કોણ આર્થિક મદદ કરી રહ્યું છે તે અંગે પૂછપરછ કરવામાં આવી હતી તેવું સુત્રોએ જણાવ્યું હતું. નોંધનીય છે કે આ ડાયરામાં હાર્દિક પટેલ પર એક થી બે લાખની કિંમતની ચલણી નોટોની વર્ષા કરવામાં આવી હતી તેવું અનુમાન છે. ત્યારે પાટીદાર અનામત આંદોલનના નેતા એવા હાર્દિક પટેલ પર થઇ રહેલી આ નોટોની વર્ષોનો વીડિયો જુઓ અહીં. આ વીડિયો યૂટ્યૂબ પર વાયરલ થયો છે.
Click it and Unblock the Notifications
Sign in with Google
