આશ્ચર્ય! અજગર ગળી ગયો નીલગાય! હવે પચાવી શકશે?

આપણે 'સાંપે છછુંદર ગળ્યા' ની કેહવત તો સાંભળી છે પણ અહીં અજગરે નીલગાય ગળી છે જ્યાર બાદ હવે તેની હાલત ખરેખર સાંપે છછુંદર ગળ્યા જેવી થઇ છે. અજગર ઘણી વખત પોતાનાથી વધુ વજનનાં જાનવરોનો શિકાર કરતો હોય છે પરંતુ આ વખતે તો હદ્દ જ થઇ ગઈ છે. ગુજરાતનાં જુનાગઢમાં આવેલ ગીર જંગલમાં એક વિશાળકાય અજગરે નીલગાયને પોતાનો શિકાર બનાવી અને જોતજોતામાં તો આખી નીલગાય ગળી ગયો. જો કે હાલ તેને રેસ્ક્યુ સેન્ટરમાં નજર હેઠળ રાખવામાં આવ્યો છે કારણ કે તેણે પોતાનીથી અનેક ગણા વજનવાળા જાનવરનો શિકાર કર્યો છે અને હવે તેને પચાવવામાં મુશકેલી પડે તેવું જણાઈ રહ્યું છે.

20 ફૂટ લાંબો આ અજગર ગીરનારના પર્વતીય ગામમાં એક ખેતરમાંથી મળ્યો છે. વન અધિકારીઓ પહેલા તો આ અજગરને જોઇને અચંબામાં પડી ગયા હતા પરંતુ પછીથી હકીકતની જાણ થતા તેને નિરીક્ષણ હેઠળ રાખવા લઇ ગયા. સ્થાનિક લોકો આ અજગરને હેરાન ન કરે તે માટે તેને રેસ્ક્યુ સેન્ટરમાં લઇ જવામાં આવ્યો છે. વન અધિકારીનાં કહેવા પ્રમાણે આ અજગર ઘણો જ વિશાળ છે અને જ્યાં સુધી તે શિકારને પચાવી ન લે ત્યાં સુધી તેને નિરીક્ષણ હેઠળ રખાશે, અને ત્યારબાદ ફરી જંગલમાં છોડી દેવાશે.

Junagadh(Gujarat): A python swallows a blue bull(also known as 'Nilgai'),kept under observation at Girnar wildlife sanctuary's rescue centre pic.twitter.com/JCEzLD3hu2

— ANI (@ANI_news) September 21, 2016

સામાન્ય રીતે 15 થી 18 ફૂટ લાંબા અજગરો જોવા મળતા હોય છે જે બહુ બહુ તો ઘેંટા-બકરા અથવા કુતરાનો શિકાર કરતા હોય છે પરંતુ આ 20 ફૂટ લાંબો અજગર 'ઇન્ડિયન રોક પાઈથન' છે જે અત્યાર સુધીમાં આ વિસ્તારમાંથી મળી આવેલા અજગરોમાં ખુબ જ વિશાળ છે અને એવી જ તેની હરકતો પણ છે.

English summary

A python swallows a blue bull also known as Nilgai in Junagadh district of Gujarat. python kept under observation at Girnar wildlife sanctuary rescue centre.