J&K: અંતિમ તબક્કાનું મતદાન શરૂ, 156 ઉમેદવારોનું ભાવિ થશે નક્કી
J&K: ચુસ્ત પોલીસ બંદોબસ્ત વચ્ચે અંતિમ તબક્કાનું મતદાન શરૂ
શ્રીનગરઃ ઘાટીમાં સ્થાનિક સ્વરાજની ચૂંટણી માટે અંતિમ તબક્કાનું મતદાન થઈ રહ્યુ્ં છે. આજે શ્રીનગર અને ગાદરબલ જિલ્લાની 37 વોર્ડ માટે મતદાન થઈ રહ્યું છે, જેના માટે 156 ઉમેદવારો મેદાનમાં ઉતર્યા છે. જ્યારે શ્રીનગરના વોર્ડ નંબર 41, મકદૂમ સાહિબના બછીદરવાજા મતદાન કેન્દ્ર પર ફરી મતદાન થઈ રહ્યું છે. અલગાવવાદીઓના બંધ અને બહિષ્કારના આહ્વાનને જોતા ચુસ્ત સુરક્ષા બંદોબસ્ત ગોઠવી દેવામાં આવ્યો છે.
પ્રશાસને દાવો કર્યો છે કે પ્રદેશમાં ચૂંટણીને જોતા સુરક્ષાની ખાતરી કરવામાં આવી છે અને ઉમેદવારોને સુરક્ષિત જગ્યા પર રાખવામાં આવ્યા છે. મુખ્ય ચૂંટણી અધિકારી શાલીન કાબરાએ જણાવ્યું કે મતદાન સવારે 6થી સાંજે 4 વાગ્યા સુધી ચાલશે. કુલ 250794 મતદાતા છે. 208 મતદાન કેન્દ્ર બનાવવામાં આવ્યા છે.
આ પણ વાંચો- અલંગ શીપ બ્રેકિંગ યાર્ડને ગ્રીન શીપ રિસાઇકલ યાર્ડ તરીકે વિકસાવાશે
ગાંદરબલ મ્યુનિસિપલ કમિટિના 17માંથી 12 વોર્ડ માટે મતદાન થશે. અહીં 8491 મતદાતા છે. શ્રીનગર નિગમના 25માંથી 24 વોર્ડ પર 241043 મતદાતા કુલ 295 મતદાન કેન્દ્ર પર વોટિંગ કરશે. ગાંદરબલમાં 38 અને શ્રીનગરથી 113 ઉમેદવારો મેદાનમાં ઉતર્યા છે. 20મી ઓક્ટોબરે મતદાન ગણતરી કરવામાં આવશે.
આ પણ વાંચો- લોકસભાની ચૂંટણીને લઇને કમલમ ખાતે ભાજપની મંથન બેઠક યોજાઇ