ગડકરીની સામે જેઠમલાણી લડી શકે છે ચૂંટણી

નવી દિલ્હી, 21 જાન્યુઆરી: બીજેપી નેતા મહેશ જેઠમલાણીએ સંકેત આપ્યો છે કે તેઓ પાર્ટીના રાષ્ટ્રીય અધ્યક્ષ માટે ચૂંટણી લડી શકે છે. જોકે તેમણે એવી શરત પણ મૂકી છે કે જો હાલના અધ્યક્ષ નિતિન ગડકરી સામે અન્ય કોઇ ચૂંટણી મેદાનમાં નહી હોય તો.

જ્યારે જેઠમલાણીને રાષ્ટ્રીય અધ્યક્ષની ચૂંટણીમાં તેમની ઉમેદવારીને લઇને સવાલ પૂછવામાં આવ્યો તો તેમણે જણાવ્યું કે હું હજી સુધી હૃદયથી આના માટે તૈયાર નથી... પરંતુ હું નિર્ણય કરું છું.. કે હું તેમને સાંકેતિક પડકાર આપી શકું છું.

અત્રે ઉલ્લેખનીય છે કે જ્યારે નિતિન ગડકરી પર પૂર્તિ મામલામાં ભ્રષ્ટાચારના આરોપ લાગેલા છે ત્યારે મહેશ જેઠમલાણીએ તેમને ફરીથી અધ્યક્ષ બનાવવાનો વિરોધ નોંધાવ્યો હતો.

બીજેપીએ રવિવારે રાષ્ટ્રીય અધ્યક્ષની ચૂંટણી માટે અધિસૂચના જારી કરી હતી અને 23 જાન્યુઆરીના રોજ 10.00 થી 11.30 વાગ્યા સુધી ઉમેદવારી પત્ર ભરી શકાશે, જ્યારે 11.30 વાગ્યા બાદથી ઉમેદવારી પત્રોની તપાસ પ્રક્રિયા શરૂ કરવામાં આવશે.

જો એક કરતા વધારે ઉમેદવારો ચૂંટણી મેદાનમાં ઉભા થાય છે તો ચૂંટણીની તારીખની જાહેરાત કરવામાં આવશે.

English summary

BJP leader Mahesh Jethmalani has hinted that he may throw his hat in the contest for the post of party president, if there is no one to challenge the incumbent Nitin Gadkari.