કર્ણાટક મતગણતરી પૂર્ણ : કોંગ્રેસે 121, BJPએ 40, JDSએ 40 બેઠકો મેળવી

બેંગલોર, 8 મે :

અપડેટ : 03.30 PM

કર્ણાટકમાં મતગણતરી પૂરી થઇ છે. કર્ણાટક વિધાનસભા ચૂંટણી 2013માં પક્ષવાર સ્થિત જોઇએ તો કોંગ્રેસ 121 બેઠક, ભાજપ 40 બેઠક, જેડી(એસ) 40 બેઠક, કેજેપી 6 બેઠક, બીએસઆર કોંગ્રેસ 4 બેઠક, અપક્ષો 7 બેઠકો અને અન્યોએ 5 બેઠકો પર વિજય મેળવ્યો છે. વર્ષ 2008માં ભાજપે 110, કોંગ્રેસે 80, જેડી(એસ)એ 28 અને અપક્ષોએ 7 બેઠકો મેળવી હતી.

અપડેટ : 02.30 PM

મતગણતરીના લેટેસ્ટ આંકડા દર્શાવે છે કે કોંગ્રેસે 113 બેઠક પર, ભાજપે 38 બેઠક પર, જેડી(એસ)એ 36 બેઠક પર, કેજેપી 5 બેઠક પર, બીએસઆર કોંગ્રેસે 4 બેઠકો પર વિજય મેળવી લીધો છે. નવ અપક્ષ ઉમેદવારોનો અને એક બેઠક પર અન્યનો વિજય થયો છે. જ્યારે લીડ ગણતરી અનુસાર કોંગ્રેસ 08, ભાજપ 02, જેડી(એસ) 05, કેજેપી 02, બીએસઆર (કોંગ્રેસ) 01 અને અન્યો 02 બેઠકો પર આગળ છે.

કર્ણાટક મતગણતરી : કોંગ્રેસની વિજયકૂચમાં ભાજપ કચડાયું

અપડેટ : 01.30 PM

મતગણતરીના લેટેસ્ટ આંકડા દર્શાવે છે કે કોંગ્રેસે 99 બેઠક પર, ભાજપે 28 બેઠક પર, જેડી(એસ)એ 30 બેઠક પર, કેજેપી 3 બેઠક પર, બીએસઆર કોંગ્રેસે 3 બેઠકો પર વિજય મેળવી લીધો છે. આઠ અપક્ષ ઉમેદવારોનો અને એક બેઠક પર અન્યનો વિજય થયો છે. જ્યારે લીડ ગણતરી અનુસાર કોંગ્રેસ 22, ભાજપ 12, જેડી(એસ) 10, કેજેપી 3, બીએસઆર (કોંગ્રેસ) 1 અને અન્યો 4 બેઠકો પર આગળ છે.

અપડેટ : 12.30 PM

મતગણતરીના લેટેસ્ટ આંકડા દર્શાવે છે કે કોંગ્રેસે 62 બેઠક પર, ભાજપે 13 બેઠક પર, જેડી(એસ)એ 18 બેઠક પર, કેજેપી 1 બેઠક પર, બીએસઆર કોંગ્રેસે 2 બેઠકો પર વિજય મેળવી લીધો છે. ચાર અપક્ષ ઉમેદવારોનો પણ વિજય થયો છે. જ્યારે લીડ ગણતરી અનુસાર કોંગ્રેસ 55, ભાજપ 27, જેડી(એસ) 23, કેજેપી 6, બીએસઆર (કોંગ્રેસ) 1 અને અન્યો 7 બેઠકો પર આગળ છે.

અપડેટ :11.30 AM

પ્રાપ્ત આંકડા અનુસાર કોંગ્રેસે 15 બેઠક પર, ભાજપે 3 બેઠક પર, જેડી(એસ)એ 5 બેઠક પર, બીએસઆર કોંગ્રેસે 2 બેઠકો પર વિજય મેળવી લીધો છે. બે અપક્ષ ઉમેદવારોનો પણ વિજય થયો છે. જ્યારે લીડ ગણતરી અનુસાર કોંગ્રેસ 110, ભાજપ 42, જેડી(એસ) 47, કેજેપી 10, બીએસઆર (કોંગ્રેસ) 4 અને અન્યો 12 બેઠકો પર આગળ છે.

અપડેટ : 10.30 AM

કોંગ્રેસ ચાર બેઠકો જીત્યું. આ ચારેય બેઠકો દરિયા કિનારે આવેલી પુત્તુર (શકુંતલા શેટ્ટી), બેલ્ટાંગડી (વસંત બંગેરે), મુદીબિદ્રી (અભય ચંદ્રા) અને ગોવિંદરાજ નગર (પ્રિયા ક્રિશ્ના) છે. કોંગ્રેસે મેંગલોર, ઉડીપી, દેવનાગેરે, બેલ્લારીમાં સપાટો બોલાવ્યો છે.

અપડેટ : 10.00 AM

મત ગણતરી અનુસાર ભાજપ 40 બેઠકો પર, કોંગ્રેસ 103 બેઠકો પર, જેડીએસ 46 અને કેજેપી 9, બીએસઆર (કોંગ્રેસ) 3 બેઠકો પર આગળ છે.

કર્ણાટક વિધાનસભા મતગણતરી : કોંગ્રેસ 88, ભાજપ 40 બેઠકો પર આગળ

અપડેટ : 9.00AM

કર્ણાટકમાં મતદાન ગણતરીના પ્રાથમિક પરિણામો દર્શાવે છે કે એક્ઝિટ પોલના તારણ સાચા પડશે. ગણતરી અનુસાર ભાજપ 40 બેઠકો પર, કોંગ્રેસ 88 બેઠકો પર, જેડીએસ 39 અને કેજેપી 11 બેઠકો પર આગળ છે.

કર્ણાટક વિધાનસભા ચૂંટણી 2013 : મત ગણતરી શરૂ

કર્ણાટકમાં 223 બેઠકોની વિધાનસભાની ચૂંટણી માટે 5મેના રોજ મતદાન બાદ આજે સવારથી સુરક્ષાના કડક બંદોબસ્ત હેઠળ મતગણતરી ચાલુ થઈ ગઈ છે. ગઈ પાંચ મેએ 71.29 ટકા મતદાન થયું હતું જે રાજ્યમાં છેલ્લા 35 વર્ષમાં બીજી વારની હાઈએસ્ટ ટકાવારી ગણાય છે.

મતગણતરીમાં 2940 ઉમેદવારોનું ભાવિ નક્કી થશે. આ ચૂંટણી માટે આશરે 65,000 ઈલેક્ટ્રોનિક વોટિંગ મશીનનો ઉપયોગ કરાયો છે. તેમાં પડેલા મતોની ગણતરી માટે 52,000 પોલિંગ બૂથમાં સલામતી માટે 1.35 લાખ પોલીસકર્મીઓને તહેનાત કરવામાં આવ્યા છે.

મતદાન શાંતિપૂર્ણ રહ્યું હતું. કર્ણાટકમાં શાસક ભાજપની સરકાર ભ્રષ્ટાચારના આરોપોને કારણે ઘણી બદનામ થઈ છે અને તેને સત્તા પરથી દૂર કરવા કોંગ્રેસે જોરદાર પડકાર ફેંક્યો છે. મતદાનની ટકાવારી જોતાં સત્તામાં પરિવર્તન આવવાની સંભાવના છે. કોંગ્રેસ આઠ વર્ષ પછી ફરી સત્તા હાંસલ કરે એવી શક્યતા છે. બીજી બાજુ, ભાજપના સમર્થકોનો દાવો છે કે ઊંચી મતદાન ટકાવારીથી એમની પાર્ટીને લાભ થશે, કારણ કે ભાજપના સમર્થક મતદારો મોટી સંખ્યામાં મત આપવા નીકળ્યા હતા.

English summary

Karnataka Assembly Election 2013 : Vote counting started.