મુંબઈ: ચાર્જિંગ માટે લગાવેલ લેપટોપમાં વિસ્ફોટ, 5 મહિના સુધી હોસ્પિટલમાં કરાવી 25 સર્જરી
મોટે ભાગે આપણે ચાર્જિંગમાં મોબાઇલ, લેપટોપ જેવા ગેજેટ ચાર્જ કરીને ભૂલી જઈએ છીએ. ઘણીવાર ચાર્જિંગમાં લગાવીને જ કામ કરવાનું શરૂ કરે છે, પરંતુ આ ભૂલો કેટલી ભારે પડી શકે છે
મોટે ભાગે આપણે ચાર્જિંગમાં મોબાઇલ, લેપટોપ જેવા ગેજેટ ચાર્જ કરીને ભૂલી જઈએ છીએ. ઘણીવાર ચાર્જિંગમાં લગાવીને જ કામ કરવાનું શરૂ કરે છે, પરંતુ આ ભૂલો કેટલી ભારે પડી શકે છે તે અંગેનું અનુમાન પણ કરવું મુશ્કેલ છે. આ ભૂલને લીધે જીવન પણ જોખમમાં પડી શકે છે. રાંચીમાં રહેતા નિશાંત કેડિયા પણ આ જ ભૂલ કરી હતી. નિશાંત લેપટોપને ચાર્જિંગમાં લગાવી કામ કરતો હતો. મોડી રાતે કામ કરતા-કરતા તે ઊંઘી ગયો, લેપટોપને ચાર્જિંગમાં લગાવેલું રાખીને ઊંઘી ગયો.
ચાર્જિંગમાં લગાવેલ લેપટોપનો અચાનક વિસ્ફોટ થયો. ધડાકો થયાનો અવાજ બાજુના રૂમ સૂતી પત્નીએ સાંભળ્યો અને પતિ રૂમનો બારણું ખોલવાનો પ્રયાસ કરવા લાગી પરંતુ તેનાથી ના ખોલી શકી ત્યારે તે રૂમનું બારણું ખોલવા માટે તે તેના પડોશીઓની મદદ સાથે બારણું ખોલવામાં આવ્યું. બારણું ખોલતાની સાથે બધાના હોશ ઉડી ગયા. આખો રૂમ સળગી ને રાખ થઈ ગયો હતો. તેમને તરત જ રાંચીની હોસ્પિટલમાં દાખલ કરવામાં આવ્યા હતા. એક અઠવાડિયા માટે ત્યાં સારવાર કર્યા પછી, નિશાંતને મુંબઇમાં લઇ ગયા.
મુંબઇમાં નિશાંતની સારવાર 5 મહિના કરવામાં આવી. ચહેરાના 25 ઓપરેશન કર્યા. લાંબા સમય સુધી આઈસીયુમાં રહેવું પડ્યું હતું. ડોક્ટરોના જણાવ્યા મુજબ નિશાંતના શરીરના ઉપલા ભાગ અને ચહેરો વધારે બળી ગયો હતો. શ્વસન નળી ખૂબ બળી ગઈ હતી, જેના કારણે તેમને વેન્ટિલેટર પર લાંબા સમય સુધી રાખવામાં આવતો હતો. નિશાંત અકસ્માતને કારણે સ્ટ્રોકમાં જતો રહ્યો હતો. જો કે, ડોકટરોના કારણે તેમનું જીવન બચી ગયું અને તે હવે રાંચીમાં પાછો ફર્યો છે. નિશાંતે કહ્યું કે મને વિશ્વાસ ન હતો કે તે પોતાનાં બાળકોને ફરીથી જોઈ શકશે. કુટુંબમાં પાછા ફર્યા બાદ તે ખૂબ ખુશ છે.