Election Results 2019 Live: આદિત્ય ઠાકરે 7000 વોટથી આગળ

મહારાષ્ટ્ર વિધાનસભાની ચૂંટણી માટે મત ગણતરી શરૂ થઈ ગઈ છે. શરૂઆતના વલણોમાં શિવસેનાના આદિત્ય ઠાકરે મુંબઇની વર્લી બેઠક પરથી આગળ છે. આદિત્ય ઠાકરેએ આ બેઠક પર સતત લીડ જાળવી રાખી છે. વર્લી બેઠક પર શિવસેનાના આદિત્ય ઠાકરેની એનસીપીના સુરેશ માણે સાથે સીધી હરિફાઇ છે. 21 ઓક્ટોબરે મહારાષ્ટ્રની 288 વિધાનસભા બેઠકો પર મતદાન યોજાયું હતું, આજે મતગણતરી થઈ રહી છે. શિવસેના પ્રમુખ ઉદ્ધવ ઠાકરેના પુત્ર આદિત્ય ઠાકરેને કારણે મહારાષ્ટ્રની વર્લી બેઠક આ ચૂંટણીમાં ચર્ચામાં છે. આ પહેલીવાર છે જયારે બાલ ઠાકરેના પરિવારનો કોઈ સભ્ય ચૂંટણી લડી રહ્યો છે.

હમણાં સુધીમાં જે પરિણામો આવ્યા છે તેને જોતા સાફ દેખાય રહ્યા છે કે આદિત્ય ઠાકરે સતત આગળ ચાલી રહ્યા છે 2014 માં, શિવસેનાના સુનિલ શિંદેએ વર્લી વિધાનસભા બેઠક જીતી હતી. તેમણે એનસીપીના સચિન આહિરને 20 હજારથી વધુ મતોથી હરાવ્યા હતા. આ વખતે પણ આદિત્ય ઠાકરેની મુખ્ય હરિફાઇ એનસીપીના સુરેશ માણે સાથે છે. આ બેઠક પર બહુજન સમાજ પાર્ટીના વિશ્રામ પદમ પણ મેદાનમાં છે.

આ પણ વાંચો: નાગપુર દક્ષિણ-પશ્ચિમ સીટ પર પહેલેથી જ ફડણવીસનો દબદબો

English summary

Maharashtra Election results 2019 Live: Aditya Thackeray leading Worli Seat