ઉત્તરથી દક્ષિણ સુધી દ્રૌપદી મુર્મૂનુ શાનદાર પ્રદર્શન, યશવંત 3 રાજ્યોમાં નથી ખોલી શક્યા ખાતુ

ત્રણ રાજ્યો એવા હતા જ્યાં વિપક્ષના ઉમેદવાર યશવંત સિંહા ખાતુ પણ ખોલી શક્યા ન હતા.

નવી દિલ્લીઃ એનડીએ ઉમેદવાર દ્રૌપદી મુર્મુએ સત્તાવાર રીતે રાષ્ટ્રપતિની ચૂંટણી જીતી લીધી છે ત્યારથી તેમને દેશ-વિદેશમાંથી સતત અભિનંદન મળી રહ્યા છે. ઓરિસ્સામાં તેમના ગામમાં પણ ઉજવણીનો માહોલ છે. મૂર્મુએ આ ચૂંટણીમાં શાનદાર પ્રદર્શન કર્યુ હતુ. જ્યાં તેમને ઉત્તર ભારતની સાથે-સાથે દક્ષિણ ભારતમાં પણ ઘણા મત મળ્યા હતા. જ્યારે ત્રણ રાજ્યો એવા હતા જ્યાં વિપક્ષના ઉમેદવાર યશવંત સિંહા ખાતુ પણ ખોલી શક્યા ન હતા.

રાજ્યસભાના મહાસચિવ અને રાષ્ટ્રપતિની ચૂંટણી માટે રિટર્નિંગ ઑફિસર પી.સી. ચૂંટણી પૂરી થયા બાદ મોદીએ તમામ આંકડા જાહેર કર્યા હતા. રેકોર્ડ મુજબ મૂર્મુને કુલ વોટમાંથી 64 ટકા વોટ મળ્યા જ્યારે યશવંત સિન્હાને 36 ટકા વોટ મળ્યા. મૂર્મુએ દક્ષિણ ભારતમાં પણ શાનદાર પ્રદર્શન કર્યુ હતુ. પરંતુ તેમને કેરળમાં સૌથી ઓછા મત મળ્યા હતા. બીજી તરફ વિપક્ષી એકતાનો દાવો ફરી નિષ્ફળ ગયો. જેના કારણે યશવંત સિંહાને આંધ્રપ્રદેશ, નાગાલેન્ડ અને સિક્કિમમાં વોટ મળ્યા નથી.

પીસી મોદીના જણાવ્યા અનુસાર આ ચૂંટણીમાં 4754 મત પડ્યા હતા. જેમાંથી 4701 માન્ય અને 53 અમાન્ય જાહેર કરવામાં આવ્યા હતા. ક્વોટા (પ્રમુખ તરીકે ચૂંટાયેલા ઉમેદવાર માટે) 5,28,491 હતો. દ્રૌપદી મૂર્મુએ 6,76,803ના મૂલ્ય સાથે 2824 પ્રથમ પસંદગીના મત મેળવ્યા. જ્યારે યશવંત સિંહાના મતનુ મૂલ્ય 380177 હતુ. જો કે રાષ્ટ્રપતિની ચૂંટણી માટેનુ મતદાન પણ ગોપનીય હોય છે પરંતુ સૂત્રોનુ માનીએ તો 17 સાંસદો અને 126 ધારાસભ્યોએ ક્રોસ વોટિંગ કર્યુ હતુ.

વડાપ્રધાન નરેન્દ્ર મોદીએ મૂર્મુની જીતને ઐતિહાસિક ગણાવી છે. તેમણે આ ચૂંટણીમાં સહકાર આપનાર પક્ષોનો પણ આભાર માન્યો હતો. પીએમ મોદી પણ પરિણામ બાદ મૂર્મુના ઘરે પહોંચ્યા અને તેમને મળ્યા. તેમની સાથે ભાજપ ચીફ જેપી નડ્ડા પણ હતા. આ પછી અમિત શાહ, રાજનાથ સિંહ, ઓમ બિરલા સહિત ઘણા નેતાઓ તેમને મળ્યા હતા.

English summary

Murmu performance in South India, Yashwant got zero votes in 3 states