ધોની સમેત સિંધુ અને આ લોકોને મળશે પદ્મભૂષણ

મહેન્દ્ર સિંહ ધોની, પીવી સિંધુ અને તેમના કોચ ગોપીચંદ સમેત નીચેના લોકોને મળશે પદ્મા એવોર્ડ.

Updated: Wednesday, January 25, 2017, 18:24 [IST]

છેવટે ભારત સરકારે 26 જાન્યુઆરી પહેલા પદ્મ પુરસ્કારોની જાહેરાત કરી દીધી. આ વર્ષે ક્રિકેટર મહેન્દ્ર સિંહ ધોનીને ભારતનો ત્રીજો સૌથી મોટો પુરસ્કાર પદ્મભૂષણ મળશે. નોંધનીય છે કે ધોની આ એવોર્ડ જીતનાર નવમાં ક્રિકેટર હશે. 2002માં ક્રિકેટર ચંદૂ બોર્ડે આ એવોર્ડ જીત્યો હતો. આ પહેલા સીકે નાયડૂ, મહારાજકુમાર સમતે કપિલ દેવ અને સુનિલ ગાવસ્કરને આ એવોર્ડ મળી ચૂક્યો છે. આ ઉપરાંત શટલ ક્વીન પીવી સિંધુ અને તેમના કોચ ગોપીચંદનને પણ પદ્મભૂષણનો એવોર્ડ આપવામાં આવશે. વધુમાં શરદ પવાર, મુરલી મનોહર જોશી, પીએ સંગમા(મરણોપરાંત), જે. યેશુદાસને પણ આ એવોર્ડ આપવામાં આવશે.

ગુજરાતીઓ અને પદ્મ એવોર્ડ
તો બીજી તરફ આ વખતે શ્રી રત્ન સુંદર મહારાજને ભક્તિવાદ માટે પદ્મભૂષણનો એવોર્ડ આપવામાં આવશે. સંગીત ક્ષેત્રે ગુજરાતીના પુરુષોત્તમ ઉપાધ્યાયને પણ પદ્મશ્રી એવોર્ડ આપવામાં આવશે. આ ઉપરાંત સાહિત્ય ક્ષેત્રે વી.જી. પટેલ અને વિષ્ણુ પંડ્યાને પદ્મશ્રીથી નવાજાશે. મેડિકલ ક્ષેત્રે ડૉ. શુબ્રત્રો દાસ અને દેવેન્દ્ર પટેલને પદ્મશ્રી અપાશે. તો ખેતી ક્ષેત્રે જેનાભાઇ પટેલને પદ્મશ્રી આપવામાં આવશે.