કોલસા મંત્રાલયની ગુમ ફાઇલોના મુદ્દે સંસદમાં હોબાળો

નવી દિલ્હી, 22 ઑગસ્ટ : કોલસા બ્લોક ફાળવણી સંબંધિત ફાઇલોના ગુમ થવાના મુદ્દે પ્રધાનમંત્રીના નિવેદન અને સંકલિત આંધ્રા સહિત અન્ય માંગો પર બીજેપી સહિત વિભિન્ન દળોના સભ્યોના ભારે હોબાળાના કારણે ગુરુવારે સંસદના બંને ગૃહોની કાર્યવાહી પ્રભાવિત થઇ હતી અને ગૃહની કાર્યવાહીને આવતીકાલ સુધી સ્થગિત કરી દેવામાં આવી હતી.

કોલસા મંત્રાલય સાથે જોડાયેલ ફાઇલો ગુમ થવાના મુદ્દા પર મનમોહન સિંહના નિવેદનને લઇને લોકસભાની કાર્યવાહી શરુ થયાના કેટલાક મિનિટ બાદ બપોરે 12 વાગ્યા સુધી સ્થગિત કરી દેવામાં આવી. જ્યારે કોલસા મંત્રાલયની ફાઇલો ગુમ થયાના મુદ્દા પર વિપક્ષના હોબાળાના કારણે રાજ્યસભાની બેઠક પણ સ્થગિત કરી દેવામાં આવી હતી.

રાજ્યસભાની કાર્યવાહી 11 વાગ્યે શરૂ થતાની સાથે જ ભાજપા નેતા રવિશંકર પ્રસાદે જણાવ્યું કે પ્રધાનમંત્રી ગૃહમાં હાજર છે માટે તેમણે ગુમ થયેલી ફાઇલોના મુદ્દે કોઇ નિવેદન કરવું જોઇએ. પ્રસાદે જણાવ્યું કે પ્રધાનમંત્રીને દેશને એ આશ્વાસન આપવું જોઇએ કે ગુમ થયેલી ફાઇલોને શોધવા માટે આદેશ કરવામાં આવશે. માકપા સહિત અન્ય દળોના નેતાઓએ પણ પ્રધાનમંત્રીના નિવેદનની માંગ કરી. સમાજવાદી પાર્ટીએ ડોલરના મુકાબલે રૂપિયાની પડતી અંગે પણ જવાબ આપવા જણાવ્યું.

હોબાળાના કારણે સભાપતિ હામિદ અંસારીએ ગૃહની કાર્યવાહી 15 મિનિટ માટે સ્થગિત કરી દીધી હતી. લોકસભામાં ભાજપાના સૂત્રોચ્ચારના કારણે કાર્યવાહી બપોર સુધી સ્થગિત કરી દેવામાં આવી. બાદમાં ગૃહની કાર્યવાહી ફરી ચાલુ થઇ હતી પરંતુ ફરી ભાજપી નેતાઓએ ન્યાય મેળવવાના સૂત્રોચ્ચાર કર્યા અને ગૃહની કાર્યવાહી આવતીકાલ માટે સ્થગિત કરી દેવામાં આવી.

English summary

The issue of missing files relating to coalgate paralysed proceedings in Parliament today with BJP demanding an immediate response from Manmohan Singh. Earlier, the government had said it would leave no stone unturned in tracing the documents.