દેશના સૌથી લાંબા ડબલ ડેકર પુલનું પીએમ મોદી ઉદ્ઘાટન કરશે

Published: Tuesday, December 25, 2018, 10:07 [IST]

નવી દિલ્હીઃ પીએમ મોદી 25મી ડિસેમ્બરે આસામના ડિબ્રૂગઢમાં દેશના સૌથી લાંબા રેલ-રોડ પુલ બોગીબીલનું ઉદ્ઘાટન કરશે. બોગીબીલ પુલ આસામથી અરુણાચલને જોડશે. બ્રહ્મપુત્ર નદી પર બનેલ બોગીબીલ પુલ ઈન્ડો ચીન સીમા માટે ભારે મહત્વ રાખે છે. આ પુલ ભારતીય સેનાના સૌથી વજનદાર અર્જુન ટેંકનું વજન ઉપાડવામાં પણ સક્ષમ છે. બોગીબીલ પુલ આસામ અને અરુણાચલ પ્રદેશના લોકો માટે એક પ્રકારે વરદાન સાબિત થશે. બોગીબીલ ઉત્તરી આસામથી ડિબ્રૂગઢને રસ્તા માર્ગથી જોડવાનું કામ પણ કરશે. પૂર્વ પીએમ અટલ બિહારી વાજપેયીની જંયતીના અવસર પર આજે આ પુલ પર પીએમ મોદી રેલ મુસાફરીનો શુભારંભ કરાવશે.