RSS મુખપત્રમાં ‘લવ જિહાદ’: લખ્યું ‘લવ એવર, લવ જિહાદ નેવર’
નવી દિલ્હી, 7 સપ્ટેમ્બરઃ રાજકારણથી લઇને સમાજના વિવિધ ભાગોમાં હાલના દિવસે ‘લવ જિહાદ' જ ચર્ચાનો વિષય છે. ત્યારે રાષ્ટ્રીય સ્વયંસેવક સંઘ(આરએસએસ)ના બે મુખપત્રો ઓર્ગેનાઇઝર અને પાંચજન્યએ લવ જિહાદના વિવાદ મુદ્દાને પોતાની કવર સ્ટોરી બનાવી છે. ઓર્ગેનાઇઝરમાં સ્ટોરીને લવ જિહાદ ‘રિએલિટી ઓર રેહટોરિક'ના નામથી છાપવામાં આવ્યું છે. પાંચજન્યમાં આ સ્ટોરીને પ્યાર ‘અંધા યા ધંધા'નું નામ આપવામાં આવ્યું છે.
ત્યારબાદ પહેલીવાર સંઘની બે પત્રિકાઓએ આ મુદ્દાનો પોતાની કવર સ્ટોરી બનાવી છે. બન્ને પત્રિકામાં મેરઠની એક હિન્દુ મહિલાના કથિત અપહરણ, ગેંગરેપ અને ઇસ્લામમાં બળજબરીથી ધર્મ પરિવર્તન ઉપરાંત ઝારખંડની રાષ્ટ્રીય કક્ષાની શૂટર તારા શાહદેવની લવ જિહાદની કહાણીને કવર સ્ટોરી બનાવી છે. આ પહેલીવાર બન્યુ છેકે લવ જિહાદના મુદ્દે પોતાના વિચાર વ્યક્ત કરવા માટે રાષ્ટ્રીય સ્વયંસેવક સંઘે પોતાના મુખપત્રનો ઉપયોગ કર્યો છે.