જમ્મૂ-કાશ્મીર વિધાનસભામાં બેરોજગારી વિરૂદ્ધ હંગામો

શ્રીનગર, 8 ઑક્ટોબર: જમ્મૂ કાશ્મીર વિધાનસભામાં ત્રણ યુવકો સરકાર વિરૂદ્ધ નારેબાજી કરતાં હોલમાં ઘુસી ગયા હતા. આ યુવકો રાજ્યમાં રોજગારી માંગી રહ્યાં હતા. રોજગાર નિતીઓને લાગૂ કરવા કરવાની માંગણી સાથે ભારત માતાકી જયના નારા લગાવી રહેલાં આ યુવકોને માર્શલોએ ખસેડીને બહાર કાઢ્યાં હતાં.

આ ઘટના પાછળ ભાજપના બરતરફ કરાયેલા નેતા ચમનલાલ ગુપ્તાનો હાથ છે. સૂત્રોના જણાવ્યા અનુસાર તેમના કારણે આ યુવકોને પાસ મળ્યો હતો. ચમનલાલ ગુપ્તાના પુત્ર અનિલ ગુપ્તા જમ્મૂ કાશ્મીર યૂથ ફેડરેશનના સભ્ય છે અને આ યુવકો તેના સાથીદારો છે. સ્પીકરે આ મુદ્દે તપાસનો આદેશ આપ્યો છે.

આ મુદ્દાને ઘણો સંવેદનશીલ ગણવામાં આવે છે કારણ કે જ્યારે સદનમાં કાર્યવાહી ચાલી રહી તે સમયે ત્રણ યુવકો અંદર પહોંચી ગયા હતા. સદનમાં તમામ વીઆઇપી નેતા અને કેટલાક મોટા નેતાઓ હાજર હતા. હાલ સુધી મળતી માહિતી મુજબ ત્રણેય યુવકો જમ્મૂના હોવાનું જાણવા મળ્યું છે.

English summary

Three youths caused a major security breach in Jammu Kashmir assembly on Monday, Oct 8 when one of them jumped into the well of the House.